Унинг ўғлига таъзим қилинг, Бўлмаса У ғазабланади, Йўлингизда йўқ бўлиб кетасиз, Унинг ғазаби тез аланга олади. Нақадар бахтлидир Унда паноҳ топганлар!
Душмандан қутқариб, бизга ёрдам бер, Инсоннинг ёрдами бутунлай беҳуда.
Инсондан умид қилгандан кўра, Эгамиздан паноҳ излаш яхшидир.
Шаҳзодалардан умид қилгандан кўра, Эгамиздан паноҳ излаш яхшидир.
Энди узоқда юринг Тупроқдан яратилганлардан. Борми уларнинг бирон қиймати?!
Эгамиз шундай демоқда: “Умидини инсонга боғлаган, Фоний банданинг кучига ишонган, Юраги Мендан узоқлашган одам лаънатидир.