Книга От Луки Cтих 11 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

От Луки Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

От Луки

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24

Гайсә Үзенең шәкертләренә шуны әйтте:– Кешеләрне гѳнаһка этәрүче вәсвәсәләр килүе котылгысыз; әмма алар кем аркылы килсә, шуңа кайгы:

шушы кечкенәләрнең берсен юлдан яздыручыны, муенына тегермән ташы асып, диңгезгә ташласалар, аның ѳчен яхшырак булыр иде.

Нәрсә кылуыгызга игътибарлы булыгыз. Туганың сиңа карата гѳнаһ кылса, аны дусларча шелтәлә, ә инде тәүбә кылса, аны кичер;

сиңа карата кѳнгә җиде тапкыр гѳнаһ кылып, гѳнаһ кылган саен яныңа килеп: «Мин гаепле», – дисә, аны кичер.

Рәсүлләр Раббыга:– Безнең иманыбызны арттырчы, – диделәр.

Ул әйтте:– Сезнең горчица орлыгы кадәр генә иманыгыз булса һәм менә бу тут агачына: «Тамырың белән кубып, үзеңне диңгезгә күчереп утырт», – дисәгез, ул сезне тыңлар иде.

Сезнең кайсыгыз җир сукалап яки кѳтү кѳтеп кырдан кайткан хезмәтчесенә: «Әйдә тизрәк ашарга утыр», – дип әйтер икән?

Киресенчә: «Миңа кичке аш әзерлә дә, билеңне буып, мин ашап-эчкән вакытта миңа хезмәт күрсәт; шуннан соң үзең дә ашап-эчәрсең», – дип әйтмәссезме?

Кушканнарны эшләгән хезмәтчегезгә рәхмәт әйтеп тормассыз бит.

Шулай итеп, сез дә кушылганның барысын да башкарганнан соң: «Без бары хезмәтчеләр генә, нәрсә эшләргә тиеш булсак, шуларны гына башкардык», – диегез.

Иерусалимга барышлый, Ул Самарея белән Гәлиләя ѳлкәләрен чикли торган җир буйлап үтте.

Параллельные места

От Луки 9:51

От Луки 13:22

От Иоанна 4:3

Күкләргә алыныр вакыты якынлашкач, Гайсә Иерусалимга барырга булды һәм юлга чыкты. Гайсә, шәһәрләр, авыллар аша үтеп, ѳйрәтә-ѳйрәтә, Иерусалимга таба юл тотты. Бу турыда белгәннән соң, Гайсә, Яһүдияне калдырып, тагын Гәлиләягә китте.

Һәм бер авылга килеп кергәндә, Аны махау авырулы ун кеше очратты. Алар еракта туктап калып,

кѳчле тавыш белән:– Гайсә, Ѳйрәтүче, безгә шәфкать күрсәтче! – дип кычкырдылар.

Ул аларны күргәч:– Барыгыз, үзегезне руханиларга күрсәтегез, – диде.Алар барган чакта ук савыктылар.

Аларның берсе исә, үзенең савыкканын күреп, кире кайтты һәм кычкырып Аллаһыны данлады,

һәм Гайсәнең аяклары алдына егылып, Аңа рәхмәт әйтте. Бу кеше самареяле иде.

Шунда Гайсә әйтте:– Савыктырылганнар унау иде түгелме? Тугызы кайда соң?

Ят ѳлкәдән булган бу кешедән башкалары, Аллаһыга рәхмәт белдерү ѳчен, кире кайтмадылармыни?

Гайсә аңа:– Тор, юлыңда бул; ышануың сине савыктырды, – диде.

Фарисейләр Гайсәдән:– Аллаһы Патшалыгы кайчан килер? – дип сорадылар.Ул аларга болай дип җавап кайтарды:– Аллаһы Патшалыгы күзгә күренеп килмәс.

«Менә ул монда», яки: «Әнә тегендә», – дип беркем дә әйтмәс. Чѳнки Аллаһы Патшалыгы сезнең арада.

Гайсә шәкертләренә мѳрәҗәгать итте:– Адәм Улы кѳннәренең берсен генә булса да күрәсегез килгән вакыт килер, әмма күрмәссез.

Кешеләр сезгә: «Кара, Ул анда», яки: «Кара, Ул монда», – диярләр; беркая да бармагыз, алар артыннан чапмагыз.

Чѳнки яшен яшьнәп, күкнең бер читеннән икенче читенә чаклы ялтырап киткән кебек, Адәм Улы Үз кѳнендә шулай булачак.

Әмма башта Ул күп газаплар чигәргә һәм бу буын тарафыннан кире кагылырга тиеш.

Нух кѳннәрендә ничек булган булса, Адәм Улы кѳннәрендә дә шулай булачак:

Нух кѳймәгә кергән кѳнгә кадәр кешеләр ашаганнар, эчкәннәр, ѳйләнгәннәр, кияүгә чыкканнар. Ул кѳймәгә кергәннән соң, туфан килеп барысын да һәлак иткән.

Лут кѳннәрендә ничек булган булса, шулай булачак: ашаганнар, эчкәннәр, алыш-биреш иткәннәр, чәчкәннәр, тѳзегәннәр.

Әмма Лут Сәдүм шәһәреннән чыккан кѳнне, күктән ут белән күкерт яңгыры яуган һәм аларның барысын һәлак иткән.

Адәм Улы күренгән кѳнне дә шулай булачак.

Ул кѳнне кем ѳй түбәсендә булып, ә әйберләре ѳй эчендә калган булса, аларны алыр ѳчен түбәнгә тѳшмәсен; шулай ук кем кырда булса, ѳенә кайтмасын.

Лутның хатынын исегездә тотыгыз.

Тормышын саклап калырга тырышучы аны югалтыр; ә инде тормышын югалткан кеше аны саклап калыр.

Сезгә әйтәм: ул тѳнне ике кеше бер ятакта булыр: берсе алыныр, ә икенчесе калдырылыр.

Ике хатын бергә ашлык тартыр: берсе алыныр, ә икенчесе калдырылыр. [

Аның бу сүзләренә шәкертләре:– Раббыбыз, бу кайда булыр? – дип сорадылар.Ул исә аларга:– Үләксә кайда булса, үләксә кошлары шунда җыелыр, – дип җавап бирде.

← Предыдущая

От Луки

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24

Выбор основного перевода