Книга 2. Коринфянам Cтих 9 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

2. Коринфянам Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

2. Коринфянам

1 2 3 4 5 6 7 8 9 10 11 12 13

Изгеләргә ярдәм итү хакында сезгә язып торуның кирәге дә юктыр,

чѳнки мин тырышлыгыгызны беләм һәм, Ахаядә ярдәм инде үткән елдан бирле үк әзерләнгән дип, македуниялеләр алдында сезнең белән мактанам. Сезнең тырышлыгыгыз аларны дәртләндерде.

Ә мактавым бу очракта буш булмасын, бәлки, әйткәнемчә, инде әзер булырсыз дип, имандашларны яныгызга җибәрдем.

Югыйсә, македуниялеләр минем белән килгәндә сезне әзерлексез хәлдә тапсалар, без сезгә шундый нык ышаныч белдергәнгә күрә, без дә оятка калырбыз, һәм сез дә – миңа моны әйтеп торырга да кирәкми.

Шуңа күрә, имандашлардан алдан ук баруларын һәм сез вәгъдә иткән юмарт бүләгегезне әзерләүләрен үтенүне зарури дип таптым. Чѳнки бүләкнең теләр-теләмәс түгел, бәлки юмарт рәвештә әзер булуын телим.

Моңа игътибар итегез: кем аз чәчә, шул аз уңыш алыр; ә кем күп чәчә, шул мул уңыш алыр.

Һәркем теләр-теләмәс яки мәҗбүриләп түгел, бәлки йѳрәге кушканча бирсен, чѳнки Аллаһы шатланып бирүчене ярата.

Аллаһы һәртѳрле мәрхәмәтне сезгә бик мул итеп бирә ала. Шулай итеп, сез һәрвакыт һәм һәрнәрсәдә мул тормышлы булып, һәртѳрле игелекле эштә юмарт булырсыз.

Изге язмада язылганча: «Ул Үз бүләкләрен ярлыларга юмарт ѳләште. Аның игелеклелеге мәңгелек».

Параллельные места

1. Иоанна 3:7

Балаларым, сезне һичкем алдамасын. Хаклык булдыручы кеше Мәсих кебек үк хак була.

Чәчүчегә орлык, ашаучыга икмәк бирүче Аллаһы сезне орлык белән тәэмин итәр һәм чәчкән орлыгыгызны мул итеп үстерер, тәкъвалык җимешләрегезне арттырыр

һәм, сез һәр очракта юмарт булсын ѳчен, сезне һәрнәрсәгә баетыр. Ә безнең аркылы күрсәткән юмартлыгыгыз Аллаһыга рәхмәтләр яудырыр.

Чѳнки сез башкарган бу хезмәт, изгеләрнең ихтыяҗларын канәгатьләндереп кенә калмыйча, бик күпләрнең Аллаһыга рәхмәтләрен дә мул иттерер.

Чѳнки юмартлыгыгызны исбат иткән бу хезмәтне күреп, сез икърар итә торган Мәсих турындагы Яхшы хәбәргә итагать итүегез, үзләре һәм башкалар белән юмарт уртаклашуыгыз ѳчен кешеләр Аллаһыны данлыйлар.

Сезнең ѳчен дога кылганда, Аллаһының сезгә мул итеп яудырган мәрхәмәте аркасында, алар күңелләре белән яныгызга ашкынырлар.

Әйтеп бетергесез зур бүләге ѳчен, Аллаһыга рәхмәт яусын!

← Предыдущая

2. Коринфянам

1 2 3 4 5 6 7 8 9 10 11 12 13

Выбор основного перевода