Моисей йӕ лӕдзӕг сдардта арвмӕ; Дунедарӕджы хъаруйӕ арв ныннӕрыд ӕмӕ ихуард фемӕхст, арв цӕхӕртӕ акалдта; Дунедарӕг афтӕ ныххоста Мысыры зӕхх ихӕй.
Их уарыд, арв цӕхӕртӕ калдта. Мысыраг адӕм ам куы фӕзындысты, уӕдӕй фӕстӕмӕ ахӕм фыдих никӕд ныууарыд.
Ӕппӕт Мысыры зӕххыл быдыры цыдӕриддӕр уыди – адӕймагӕй фосы онг, – их ӕй ныццагъта; их ныццагъта ӕппӕт зайӕгойты, быдыры бӕлас нал ныууагъта.
Уыдонӕн бафӕдзӕхстӕуыд знаггад нӕ кӕнын нӕдӕр зӕххон кӕрдӕгӕн, нӕдӕр зайӕгхалӕн, нӕдӕр бӕлӕстӕн, фӕлӕ йӕ тӕрныхыл Хуыцауы мыхуыр ӕвӕрд кӕмӕн нӕй, ӕрмӕст уыцы адӕмӕн.