Ӕз уайтӕккӕ фӕдӕн Сыгъдӕг Удӕй разӕнгард. Уӕларвы уыди паддзахы бадӕн, паддзахы бадӕны та федтон Бадӕджы.
Уӕрыкк ӕрбацыд ӕмӕ паддзахы бадӕны Бадӕджы рахиз къухӕй райста чиныг.
Ӕз фехъуыстон, Хуыцау кӕй сфӕлдыста, уыдон сеппӕт дӕр уӕларвы, зӕххыл, зӕххы бын, денджызы – дун-дунейы чидӕриддӕр ис, уыдон цы дзырдтой, уый: «Паддзахы бадӕны Бадӕгӕн ӕмӕ Уӕрыккӕн – арфӕ, кад, намыс ӕмӕ ӕппӕт бартӕ мыггагӕй-мыггагмӕ!»
Ӕмӕ дзурынц хӕхтӕн ӕмӕ къӕдзӕхтӕн: «Рафӕлдӕхут ныл ӕмӕ нӕ уӕ быны бамбӕхсут паддзахы бадӕны Бадӕгӕй ӕмӕ Уӕрыччы фыдӕхӕй.
Уыдон хъӕлӕсыдзагӕй дзырдтой: «Паддзахы бадӕны Чи бады, нӕ уыцы Хуыцау ӕмӕ Уӕрыкк сты ирвӕзынгӕнӕг!»
Уый тыххӕй лӕууынц Хуыцауы бадӕны раз ӕмӕ Йын ӕхсӕвӕй-бонӕй лӕггад кӕнынц Йӕ Кувӕндоны; ӕмӕ паддзахы бадӕны Бадӕг уыдоны бакӕндзӕн Йӕ дӕлбазыр.
Уӕд цыппар ӕмӕ ссӕдз хистӕры ӕмӕ цыппар уӕларвон удгоймаджы адӕлгом сты ӕмӕ бакуывтой Йӕ бадӕны бадӕг Хуыцаумӕ: «Амен! Аллилуйа!»