Дӕу ӕмӕ сылгоймаджы, дӕ байзӕддаджы ӕмӕ йӕ байзӕддаджы скӕндзынӕн знӕгтӕ. Сылгоймаджы байзӕддаг дын дӕ сӕр цӕвдзӕни, ды та йын йӕ зӕвӕтыл хӕцдзынӕ».
Незаманты чи царди, уыцы адӕмӕй сӕ уырнындзинады фӕрцы раппӕлыди Хуыцау.
Хуыцауы Фыртыл чи ӕууӕнды, уымӕн Хуыцауы уыцы ныхас йӕ зӕрдӕйы ис. Хуыцауыл чи не 'ууӕнды, уый Йӕ ӕвдисы сайӕгойӕ, уымӕн ӕмӕ не 'ууӕнды, Хуыцау Йӕ Фырты тыххӕй кӕй загъта, уыцы ныхасыл.
Ӕмӕ Иоанн фехъусын кодта, цы федта, ӕппӕт уыдӕттӕ; афтӕмӕй ӕвдисӕн ныллӕууыд Хуыцауы ныхасӕн ӕмӕ радзырдта Йесо Чырыстийы тыххӕй.
Йесойы тыххӕй уемӕ фӕразонӕй тухӕнтӕ чи ӕвзары, сымахимӕ Йӕ Паддзахады хай чи райсдзӕн, ӕз уӕ уыцы ӕфсымӕр Иоанн дӕн. Хуыцауы ныхас кӕй амыдтон ӕмӕ Йесойӕн ӕвдисӕн кӕй лӕууыдтӕн, уый тыххӕй ӕз хаст уыдтӕн, Патмос чи хуыйны, уыцы сакъадахмӕ.