Уӕдӕ Мӕ ныууадз, цӕмӕй сӕм Мӕ маст рафыца, фесафон сӕ ӕмӕ дӕуӕй рауадзон ног стыр адӕм».
Иуӕй-иутӕм куыд кӕсы, афтӕ Хицау фӕстиат нӕ кӕны Йӕ зӕрдӕвӕрд сӕххӕст кӕныныл, фӕлӕ уын бирӕ быхсы – фӕнды Йӕ, иу адӕймаг дӕр куыд нӕ фесӕфа, фӕлӕ иууылдӕр куыд ӕрфӕсмон кӕной.
Ӕмӕ нӕ Хицау бирӕ кӕй быхсы, уый нымайут фервӕзыны фадатыл; Хуыцауӕй йын лӕвӕрд зондӕй сымахмӕ уый тыххӕй фыста нӕ уарзон ӕфсымӕр Павел дӕр.