Сымахӕн зындгонд у: хуыснӕг кӕцы сахатыл ӕрцӕудзӕн, уый хӕдзары хицау куы зыдтаид, уӕд уыдаид къӕрцхъус ӕмӕ йӕ хӕдзар фӕкъахын нӕ бауагътаид.
Хуыснӕг ӕхсӕвы ӕнӕнхъӕлӕджы куыд ӕрцӕуы, Хицауы ӕрцыд дӕр афтӕ кӕй уыдзӕн, уый уӕхӕдӕг дӕр бӕлвырдӕй зонут.
Хуыснӕг куыд ӕрцӕуы, афтӕ уыдзӕн Хицауы ӕрцыд дӕр. Арв гӕрӕхтӕгӕнгӕ цыдӕр ӕрбауыдзӕн, арвыл цыдӕриддӕр ис, уыдон цӕхӕр фестдзысты ӕмӕ ныппырх уыдзысты, зӕхх йӕхӕдӕг дӕр ӕмӕ йыл цы хъуыддӕгтӕ ис, уыдон иууылдӕр басудздзысты.
Уӕдӕ дӕ цӕуыл сахуыр кодтой ӕмӕ цы фехъуыстай, уый ӕрымыс, цӕр уымӕ гӕсгӕ ӕмӕ ӕрфӕсмон кӕн. Куы нӕ райхъал уай, уӕд дӕм Ӕз ӕрцӕудзынӕн хуыснӕгау, ӕмӕ кӕд ӕрцӕудзынӕн, уый нӕ базондзынӕ.
«Мӕнӕ фӕцӕуын хуыснӕгау. Тӕхудиаг у, фынӕй чи нӕу, бӕгънӕгӕй куыд нӕ цӕуа ӕмӕ йын йӕ худинаг куыд мачи фена, йӕ дарӕс афтӕ сыгъдӕгӕй чи дары, уыцы адӕймаг».