Де 'фсымӕр дӕ тӕригъӕды куы бацӕуа, уӕд бавдӕл ӕмӕ йын хибарӕй бауайдзӕф кӕн. Ӕмӕ дӕм кӕд байхъуса, уӕд ногӕй ссардтай де 'фсымӕры.
Кӕд дӕм нӕ байхъуса, уӕд та демӕ акӕн иу кӕнӕ дыууӕ адӕймаджы, цӕмӕй, алы ныхас дӕр раст кӕй у, уымӕн уа дыууӕ кӕнӕ ӕртӕ ӕвдисӕны.
Уыдонмӕ дӕр куы нӕ байхъуса, уӕд зӕгъ аргъуанӕн. Ӕмӕ кӕд аргъуанмӕ дӕр нӕ байхъуса, уӕд ӕм кӕс, муртатмӕ ӕмӕ хъалонисӕгмӕ цы цӕстӕй кӕсыс, ахӕм цӕстӕй.
Курын уӕ, ӕфсымӕртӕ, уӕхи хизут, цӕуыл сахуыр стут, уыцы ахуырад чи ницӕмӕ дары, афтӕмӕй аргъуантӕ чи дих кӕны ӕмӕ фӕкӕлыны хос чи у, уыдонӕй – ӕмгӕрон сӕм ма цӕут.
Чи уӕм ӕрцӕуы ӕмӕ уӕм уыцы ахуырад йемӕ чи не 'рхӕссы, уый уӕ хӕдзармӕ ма уадзут ӕмӕ йын «ӕгасцуай» ма дзурут.