Книга Исход Cтих 46 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Исход Ветхий Завет

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

Ветхий Завет

Бытие

Исход

← Предыдущая

Исход

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40

Цӕмӕй сӕ Мӕнӕн снывонд кӕнай ӕмӕ Мын уой сауджынтӕ, уый тыххӕй сын бакӕн афтӕ: райс иу уӕныг ӕмӕ дыууӕ ӕнӕсахъат фыры,

Донгонд дзул, донгонд сойыфых гуылтӕ ӕмӕ зетийӕ сӕрст донгонд лауаситӕ; сфыц сӕ ӕвзаргӕ мӕнӕуы ссадӕй.

Нывӕр сӕ чыргъӕды ӕмӕ сӕ ӕрбахӕсс; семӕ сын ӕрбатӕр уӕныг ӕмӕ дыууӕ фыры.

Аароны ӕмӕ йӕ фыртты та ӕрбахон Фембӕлды Цатыры бацӕуӕнмӕ, ӕмӕ сӕ ӕрнай донӕй.

Райс дарӕстӕ, ӕмӕ Аароныл скӕн даргъ хӕдон, уӕлгуыр, ефод, риуылдарӕн хызын, ӕмӕ йын йӕ ефодыл ӕрбабӕтт рон.

Йӕ сӕрыл ын ӕркӕн сарыхъ, ӕмӕ сарыхъмӕ бафидар кӕн уаццаг – сыгъдӕг кадыхуд.

Райс сӕрдӕн зети ӕмӕ дзы байсӕрд Аароны – ауадз ын ӕй йӕ сӕрыл.

Ӕрбахон ын йӕ фыртты дӕр ӕмӕ сыл скӕн даргъ хӕдӕттӕ.

Аарон ӕмӕ йӕ фыртты астӕутыл ӕрбабӕтт рӕттӕ, ӕркӕн сыл худтӕ, ӕмӕ сӕхӕдӕг ӕмӕ сӕ байзӕддӕгтӕ уыдзысты сауджынтӕ, мыггагмӕ аивӕн цы ӕгъдауӕн нӕ уыдзӕн, уымӕ гӕсгӕ. Аароны ӕмӕ йӕ фыртты Хуыцауӕн кусджытӕй сӕвӕрыны ӕгъдау бакӕн афтӕ.

Фембӕлды Цатыры размӕ ӕрбатӕр уӕныг, Аарон ӕмӕ йӕ фырттӕ йын сӕ къухтӕ ӕрӕвӕрӕнт йӕ сӕрыл.

Стӕй уӕныг аргӕвд Фембӕлды Цатырмӕ бацӕуӕны, Хуыцауы раз.

Райс уӕныджы тугӕй, де 'нгуылдзӕй дзы байсӕрд нывондхӕссӕны сыкъатӕ, тугӕй мацы баззайа, уый та акал нывондхӕссӕны рӕбын.

Райс уӕныджы хуылфыдзаумӕтты фиу, игӕры нард, дыууӕ уырджы сӕ фиуимӕ, ӕмӕ сӕ басудз нывондхӕссӕныл.

Уӕныгӕн йӕ дзидза, йӕ царм ӕмӕ йӕ чъизитӕ фӕсасадӕн басудз артыл. Уый у тӕригъӕдӕй сыгъдӕггӕнӕг нывонд.

Ӕрбакӕн фыр, ӕмӕ йын Аарон ӕмӕ йӕ фырттӕ сӕ къухтӕ ӕрӕвӕрдзысты йӕ сӕрыл.

Фыры аргӕвд, райс ын йӕ туг, ӕмӕ дзы бапырх кӕн нывондхӕссӕнӕн йӕ алы фарсыл дӕр.

Уый фӕстӕ йӕ бауӕнгтӕ кӕн, ныхс ын йӕ хуылфыдзаумӕттӕ, йӕ къӕхтӕ ӕмӕ йын сӕ ӕрӕвӕр йӕ уӕлӕ ӕмӕ йӕ сӕрыл.

Фыры ӕнӕхъӕнӕй басудз нывондхӕссӕныл. Уый у иууылсудзинаг нывонд, Хуыцауӕн ӕхцон хӕрздӕф.

Ӕрбакӕн дыккаг фыр, ӕмӕ йын Аарон ӕмӕ йӕ фырттӕ сӕ къухтӕ ӕрӕвӕрӕнт йӕ сӕрыл.

Уыцы фыр аргӕвд, райс ын йӕ тугӕй, ӕмӕ дзы ацахор Аароны рахиз хъусы кӕрон ӕмӕ йӕ фыртты рахиз хъусты кӕрӕттӕ, стӕй сӕ рахиз къухты хистӕр ӕнгуылдзтӕ ӕмӕ сӕ рахиз къӕхты хистӕр ӕнгуылдзтӕ; тугӕй бапырх кӕн нывондхӕссӕнӕн йӕ алы фарсыл дӕр.

Уый фӕстӕ нывондхӕссӕнӕй райс туг, сӕрдӕн зети ӕмӕ дзы бапырх кӕн Аароныл ӕмӕ йӕ дарӕсыл, йӕ фырттыл ӕмӕ сӕ дарӕсыл; афтӕмӕй Аарон ӕмӕ йӕ дарӕс, йӕ фырттӕ ӕмӕ сӕ дарӕс нывонд уыдзысты Хуыцауӕн.

Райс фыры фиу ӕмӕ фӕхсын, хуылфыдзаумӕтты фиу, игӕры фиу, дыууӕ уырджы сӕ фиуимӕ, рахиз агъд – уымӕн ӕмӕ уыцы нывонд ӕрхастӕуы сауджыны бынат райсыны фӕдыл.

Хуыцауы раз донгонд дзултимӕ цы чыргъӕд ис, уырдыгӕй райс иу дзул, иу сойыфых гуыл ӕмӕ иу лауаси.

Аароны ӕмӕ йӕ фыртты къухтӕм ратт ӕппӕт уыдӕттӕ ӕмӕ, Хуыцауӕн нывонд кӕй сты, уый равдисынӕн, сыл схӕцӕд уӕлӕмӕ.

Уый фӕстӕ сӕ райс уыдоны къухтӕй, ӕмӕ сӕ иууылсудзинаг нывондимӕ ӕхцон хӕрздӕфӕн басудз Хуыцауы раз нывондхӕссӕныл. Уый у басудзинаг нывонд Дунедарӕгӕн.

Аароны сауджынӕй сӕвӕрыны фӕдыл нывондгонд фырӕн райс йӕ риугуыдыр ӕмӕ йыл схӕц уӕлӕмӕ, Хуыцауӕн нывонд кӕй у, уый равдисынӕн; уый уыдзӕни дӕ хай.

Аароны ӕмӕ йӕ фыртты сауджынтӕй сӕвӕрыны фӕдыл нывондгонд фырӕй Хуыцауӕн снывонд кӕн, уӕлӕмӕ кӕуыл схӕцыдтӕ, йӕ уыцы риугуыдыр ӕмӕ агъд.

Уый уыдзӕни мыггагмӕ ӕххӕстгӕнинаг ӕгъдау: израилаг адӕм Ааронӕн ӕмӕ йӕ байзӕддӕгтӕн дӕтдзысты, Хуыцауӕн цы фарны нывондтӕ хӕссой, уыдонӕн сӕ риугуыдыр ӕмӕ агъд.

Аароны сӕрмагонд дарӕстӕ йӕ амӕлӕты фӕстӕ уыдзысты йӕ байзӕддӕгты, уыцы дарӕсы сӕ зетийӕ куыд сӕрдой ӕмӕ сауджынтӕй куыд ӕвӕрой, афтӕ.

Аароны байзӕддӕгтӕй сауджын чи суа, уыйиу Фембӕлды Цатыры сыгъдӕг бынаты лӕггад кӕнынмӕ куы цӕуа, уӕд ыл фыццаг авд боны уыцы дарӕс хъуамӕ уой.

Аароны хистӕр сауджынӕй сӕвӕрыны фӕдыл нывонд фыры дзидза райс ӕмӕ йӕ сфыц сыгъдӕг бынаты.

Аарон ӕмӕ йӕ фырттӕ уыцы фыры фыд бахӕрӕнт, Фембӕлды Цатыры дуары цур чыргъӕды цы дзултӕ ис, уыдонимӕ.

Сӕ тӕригъӕдтӕй сӕ ссыгъдӕг кӕныны тыххӕй, сауджынтӕй сӕ сӕвӕрыны ӕмӕ сӕ Хуыцауӕн снывонд кӕныны охыл кӕй ӕрхастӕуыд, уыцы нывондтӕ сӕхӕдӕг хъуамӕ бахӕрой; ӕцӕгӕлон дзы хъуамӕ ма фӕхъӕстӕ уа, уымӕн ӕмӕ Хуыцауӕн нывонд сты.

Сауджынтӕй сӕвӕрыны фӕдыл нывондӕн цы фыр ӕрхастӕуыд, уымӕн йӕ дзидзайӕ, стӕй дзулӕй бонмӕ куы баззайа, уӕд уыцы уӕлдӕйттӕ басудз артыл; хӕрын сӕ нӕ фӕтчы, уымӕн ӕмӕ Хуыцауӕн нывонд у.

Ааронӕн ӕмӕ йӕ фырттӕн ӕппӕт дӕр бакӕн, Ӕз дын куыд бафӕдзӕхстон, афтӕ; сауджынӕй сӕ сӕвӕрыны ӕгъдау хъуамӕ ахӕсса авд боны.

Сӕ тӕригъӕдтӕй сӕ ссыгъдӕг кӕныны тыххӕй ӕрвылбон нывондӕн хӕсс уӕныг; уыцы нывондтӕй ссыгъдӕг кӕн нывондхӕссӕн, ӕмӕ цӕмӕй ссыгъдӕг уа, уый тыххӕй йӕ байсӕрд зетийӕ.

Нывондхӕссӕн сыгъдӕг кӕн авд боны дӕргъы; снывонд ӕй кӕн Хуыцауӕн, ӕмӕ суыдзӕн иууылсыгъдӕг нывондхӕссӕн. Нывондхӕссӕныл цыдӕриддӕр андзӕва, уый уыдзӕни Хуыцауӕн лӕвӕрд.

Нывондхӕссӕныл нывондӕн хӕсдзынӕ: дыууӕ далысы ӕрвылбон ӕмӕ иудадзыг.

Иу далыс нывондӕн ӕрхӕсс райсомӕй, иннӕ далысы та – изӕргӕрӕтты,

Фыццаг далысимӕ нывондӕн ӕрхӕсс ӕвзаргӕ мӕнӕуы ссады ефайы дӕсӕймаг хай лӕмӕрст зетийы гины цыппӕрӕймаг хайимӕ хӕццӕйӕ ӕмӕ сӕны гины цыппӕрӕймаг хай.

Дыккаг далысы та нывондӕн ӕрхӕсс изӕргӕрӕтты, райсомӕй цы ссады ӕмӕ сӕны лӕвӕрттӕ ӕрхастӕуыд, уыдонимӕ – Дунедарӕгӕн ӕхцон ӕмӕ хӕрздӕф нывондтӕн.

Уыцы нывондтӕ хъуамӕ судзай ӕрвылбон ӕмӕ иудадзыг Фембӕлды Цатыры дуары цур, Хуыцауы раз. Уым Ӕз ӕмбӕлдзынӕн сымахимӕ, ӕмӕ дзурдзынӕн демӕ.

Уымиу Ӕз фембӕлдзынӕн израилаг адӕмимӕ, ӕмӕ уыцы бынат ссыгъдӕг уыдзӕн Мӕ кадӕй.

Афтӕмӕй ссыгъдӕг кӕндзынӕн Фембӕлды Цатыр ӕмӕ нывондхӕссӕн, стӕй Аароны ӕмӕ йӕ фыртты, ӕмӕ Мын уыдзысты сауджынтӕ.

Ӕз цӕрдзынӕн израилаг адӕмы ӕхсӕн, ӕмӕ уыдзынӕн сӕ Хуыцау.

Ӕмӕ базондзысты: цӕмӕй се 'хсӕн цӕрон, уый тыххӕй сӕ мысыраг зӕххӕй Чи ракодта, Ӕз сӕ уыцы Дунедарӕг Хуыцау дӕн. Ӕз Дунедарӕг дӕн, сӕ Хуыцау!

Параллельные места

Исход 29:2

Донгонд дзул, донгонд сойыфых гуылтӕ ӕмӕ зетийӕ сӕрст донгонд лауаситӕ; сфыц сӕ ӕвзаргӕ мӕнӕуы ссадӕй.

← Предыдущая

Исход

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40

Выбор основного перевода