Книга Исход Cтих 26 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Исход Ветхий Завет

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

Ветхий Завет

Бытие

Исход

← Предыдущая

Исход

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40

Израилаг адӕмӕй дӕхимӕ ракӕн де 'фсымӕр Аароны йӕ фырттимӕ; Аарон, Надав, Авиуд, Елеазар ӕмӕ Ифамар Мӕнӕн сауджынтӕ куыд уой, афтӕ.

Де 'фсымӕр Ааронӕн бахуый сауджыны сӕрмагонд дарӕс, цӕмӕй йӕ нымайой ӕмӕ цӕсты ахада.

Ӕз дарӕс хуыйынӕн зонд ӕмӕ арӕхстдзинад кӕмӕн радтон, уыдонӕн сеппӕтӕн дӕр бафӕдзӕхс Ааронӕн дарӕс бахуыйын, цӕмӕй Аарон йӕхи снывонд кӕна Мӕнӕн ӕмӕ уа Мӕ сауджын.

Саразӕнт ын мӕнӕ ахӕм дарӕс: риуылдарӕн хызын, ефод, уӕлгуыр, нывӕфтыд даргъ хӕдон, сарыхъ ӕмӕ рон. Сауджыны ахӕм сӕрмагонд дарӕс бахуыйӕнт де 'фсымӕр Ааронӕн ӕмӕ йӕ фырттӕн, ӕмӕ уыцы дарӕсы Мӕнӕн уыдзысты лӕггадгӕнджытӕ.

Дарӕс чи хуыйа, уыдон райсӕнт сыгъзӕрин хӕрдгӕбыд, ӕрвхуыз, сырх ӕмӕ сӕнтсырх ӕндӕхтӕ, виссон.

Сыгъзӕрин хӕрдгӕбыдӕй, ӕрвхуыз, сырх ӕмӕ сӕнтсырх ӕндӕхтӕй ӕмӕ уӕздан виссонӕй уафт нывӕфтыд хъуымацӕй бахуыйӕд ефод.

Ефодӕн йӕ дыууӕ кӕроны дӕр хъуамӕ уа дыууӕ уӕхскбосы.

Ефодыл ӕддейӕ цы рон хуыд ис, уый дӕр ефодау хъуамӕ уа сыгъзӕрин хӕрдгӕбыдӕй, ӕрвхуыз, сырх ӕмӕ сӕнтсырх ӕндӕхтӕй ӕмӕ уӕздан виссонӕй.

Райс ониксы дыууӕ дуры, ӕмӕ сыл ныффысс Израилы фыртты нӕмттӕ.

Ӕхсӕз номы ныффысс иу дурыл, иннӕ ӕхсӕз номы – дыккаг дурыл; сӕ нӕмттӕ сын ныффысс хистӕрӕй кӕстӕрмӕ.

Дуртыл ныффысс Израилы фыртты нӕмттӕ, дурыл сартӕй куыд фӕкъахынц, афтӕ. Уыцы дуртӕ бавӕр сыгъзӕрин фӕлгӕтты.

Дыууӕ дуры дӕр бафидар кӕн ефоды уӕхскбӕттӕнтӕм уӕхсчытыл; уыцы дуртӕ сты Израилы фыртты ном арынӕн. Хуыцауы раз сӕ Аарон фӕлгӕтты хӕссӕд ефоды дыууӕ уӕхскбосыл, Хуыцауӕн Йӕ адӕм Йӕ зӕрдыл куыд лӕууой, афтӕ.

Сыгъзӕринӕй сараз фӕлгӕттӕ.

Сараз дыууӕ хӕрдгӕбыды сыгъдӕг сыгъзӕринӕй, ӕмӕ сӕ бабӕтт фӕлгӕттӕм.

Тӕрхоны риуылдарӕн хызын бахуый нывӕфтыд хъуымацӕй; сараз ӕй ефоды хъуымацау – ӕрвхуыз, сырх ӕмӕ сӕнтсырх ӕндӕхтӕй ӕмӕ уӕздан виссонӕй.

Риуылдарӕн хызын хъуамӕ уа дывӕлдах ӕмӕ цыппӕрдигъон, уылынг – йӕ дӕргъ, уылынг – йӕ уӕрх.

Цыппар рӕнхъӕй дзы бавӕр фӕлгӕтты ӕвӕрд дуртӕ. Фыццаг рӕнхъы фӕрсӕйфӕрстӕм хъуамӕ уой рубин, топаз ӕмӕ изумруд.

Дыккаг рӕнхъы – карбункул, сапфир ӕмӕ алмаз.

Ӕртыккаг рӕнхъы – гиацинт, агат ӕмӕ аметист.

Цыппӕрӕм рӕнхъы – хризолит, оникс ӕмӕ яшма. Бавӕргӕ сты сыгъзӕрин фӕлгӕтты.

Дуртӕн сӕ нымӕц хъуамӕ уа дыууадӕс – Израилы фыртты нымӕцмӕ гӕсгӕ. Алы дурыл дӕр ныффысгӕ у Израилы фырттӕй иуы ном.

Риуылдарӕн хызынӕн сыгъдӕг сыгъзӕринӕй сараз цӕгӕвӕрд бӕттӕнтӕ.

Риуылдарӕн хызынӕн сараз дыууӕ цӕджы сыгъзӕринӕй, ӕмӕ сӕ бафидар кӕн риуылдарӕн хызыны дыууӕ кӕронмӕ.

Сыгъзӕринӕй цӕгӕвӕрд дыууӕ бӕттӕны дӕр атъысс дыууӕ цӕджы, риуылдарӕн хызынӕн йӕ дыууӕ кӕроны.

Дыууӕ бӕттӕнӕн сӕ иннӕ дыууӕ кӕроны та бафидар кӕн дыууӕ фӕлгӕтмӕ; дыууӕ фӕлгӕты та – ефоды бӕттӕнтӕм разӕй.

Ноджы ма сараз дыууӕ сыгъзӕрин цӕджы ӕмӕ сӕ мидӕгӕй бафидар кӕн риуылдарӕн хызынмӕ, ефодмӕ хӕстӕгдӕр кӕм у, йӕ уыцы дыууӕ кӕронмӕ.

Параллельные места

Исход 39:17

Дыууӕ сыгъзӕрин хӕрдгӕбыды риуылдарӕн хызыны дыууӕ кӕроны атъыстой цӕгты.

Сараз ноджыдӕр дыууӕ сыгъзӕрин цӕджы ӕмӕ сӕ разӕй бафидар кӕн ефоды дыууӕ бӕттӕнмӕ бынӕй, ефодмӕ хуыд кӕм сты, уым – ефоды роны сӕрмӕ.

Ӕмӕ риуылдарӕн хызын уыцы цӕгтӕй бабӕттӕнт ефоды цӕгтӕм ӕрвхуыз бӕттӕнӕй, ефоды роны сӕрмӕ куыд уа ӕмӕ риуылдарӕн хызын ефодыл ӕнгом куыд бада, афтӕ.

Аарон кувӕндонмӕ мидӕмӕ куы цӕуа, уӕд йӕ тӕрхоны риуылдарӕн хызыныл, йӕ зӕрдӕйы цур, уыдзысты Израилы фыртты нӕмттӕ, ӕмӕ уыцы нӕмттӕм гӕсгӕ Дунедарӕджы зӕрдыл иудадзыг лӕудзысты Йӕ адӕм.

Тӕрхоны риуылдарӕн хызыны бавӕр урим ӕмӕ туммим; уыдон уыдзысты Аароны зӕрдӕйы цур, Дунедарӕджы размӕиу куы бацӕуа, уӕд; ӕмӕ Ааронӕн йӕ зӕрдӕйы цур Дунедарӕджы раз кӕддӕриддӕр уыдзӕн Хуыцауы тӕрхон израилаг адӕмӕн.

Ефодӕн сараз уӕлгуыр – ӕнӕхъӕнӕй дӕр хъуамӕ уа ӕрвхуыз.

Сӕрыл ӕй ӕркӕнынӕн йӕ астӕу хъуамӕ уа хуынкъ. Хуынкъӕн йӕ кӕрӕттӕ, згъӕрхӕдоны кӕрӕттау, хъуамӕ уой уафт, куыд нӕ скъуыйа, афтӕ.

Йӕ фӕдджийы алыварс ын ӕрвхуыз, сырх ӕмӕ сӕнтсырх ӕндӕхтӕй сараз гранаты дыргъты хуызӕн чысыл къоритӕ; се 'хсӕн сын, фӕдджийы алыварс, ӕрцауындз сыгъзӕрин дзӕнгӕрджытӕ.

Уӕлгуыры фӕдджийы алыварс иу иннӕйы ивгӕ хъуамӕ уой сыгъзӕрин дзӕнгӕрджытӕ ӕмӕ къоритӕ.

Уӕлгуыр Аароныл уыдзӕни, кувӕндоны куы лӕггад кӕна, уӕд. Хуыцауы размӕ кувӕндонмӕ куы цӕуа ӕмӕ фӕстӕмӕ куы здӕха, уӕд хъуысдзӕн йӕ дзӕнгӕрӕджы зыланг, ӕмӕ Аарон нӕ амӕлдзӕн.

Сараз уаццаг сыгъдӕг сыгъзӕринӕй, ӕмӕ дурыл куыд фӕфыссынц, афтӕ йыл скъах дзырдтӕ: «Ай Хуыцауы у».

Ӕмӕ йӕ ӕрвхуыз алдымбыдӕй бабӕтт сарыхъмӕ, сыгъзӕрин уаццаг сарыхъӕн разӕй куыд уа, афтӕ.

Уый уыдзӕн Аароны тӕрныхыл, ӕмӕ израилаг адӕм Хуыцауӕн цы лӕвӕрттӕ хӕссой, уыдонмӕ исты аипп куы разына, уӕд Аарон йӕхимӕ райсдзӕн израилӕгты уыцы азым. Уаццаг иудадзыг хъуамӕ уа Аароны тӕрныхыл, цӕмӕй Хуыцау барвӕсса израилӕгты лӕвӕрттыл.

Бауаф даргъ хӕдон, сарыхъ виссонӕй ӕмӕ нывӕфтыд рон.

Аароны фырттӕн дӕр сараз хӕдӕттӕ, рӕттӕ ӕмӕ худтӕ, цӕмӕй сӕ дарӕс уа аив, сӕхӕдӕг та адӕмы цӕсты ахадой.

Сфӕлынд уыцы дарӕсӕй де 'фсымӕр Аароны ӕмӕ йӕ фыртты, байсӕрд сӕ – ӕгъдаумӕ гӕсгӕ сӕ снывонд кӕн Мӕнӕн, ӕмӕ Мын уыдзысты сауджынтӕ.

Виссонӕй сын бахуый хӕлӕфтӕ – ронбастӕй зӕнгтӕм бӕгънӕг буар куыд ӕмбӕрзой, афтӕ.

Уыцы дарӕстӕ Аароныл ӕмӕ йӕ фырттыл уыдзысты, Фембӕлды Цатырмӕ мидӕмӕ кӕнӕ Хуыцауӕн лӕггад кӕнынмӕ нывондхӕссӕнмӕ куы цӕуой, уӕд, цӕмӕй тӕригъӕды ма бафтой ӕмӕ ма амӕлой. Уыцы ӕгъдау Ааронӕн ӕмӕ йӕ байзӕддӕгтӕн ӕххӕстгӕнинаг у мыггагмӕ.

← Предыдущая

Исход

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40

Выбор основного перевода