Иаков уыцы бынат схуыдта Пенуэл; уымӕн ӕмӕ Иаков загъта: «Ӕз мӕхи цӕстӕй федтон Хуыцауы ӕмӕ удӕгасӕй баззадтӕн».
Дунедарӕг ын ноджыдӕр загъта: «Ӕз дӕн дӕ фыды Хуыцау, Авраамы Хуыцау, Исаакы Хуыцау ӕмӕ Иаковы Хуыцау». Моисей йӕ цӕсгом бамбӕрзта, уымӕн ӕмӕ тарсти Хуыцаумӕ комкоммӕ бакӕсынӕй.
Хуыцау ноджыдӕр загъта: «Мӕ цӕсгом фенын дӕ бон нӕу; уымӕн ӕмӕ адӕймаг Мӕн куы фена, уӕд удӕгасӕй нӕ баззайдзӕн».
Мӕ къух куы айсон, уӕд Мӕ фендзынӕ чъылдымырдыгӕй, Мӕ цӕсгом та нӕ фендзынӕ».
Сӕ разы Йӕ хуыз аивта – Йӕ цӕсгом сӕрттывта хурау, Йӕ дарӕс та рухсау фестади сӕнтурс.
Хуыцауы никуы ничи федта, фӕлӕ Йӕ раргом кодта Йӕ иунӕг Фырт – Фыдимӕ иу ӕмӕ ӕцӕг Хуыцау Чи у, Уый.
Уый у, бацӕуӕн кӕдӕм нӕй, ахӕм рухсы Чи цӕры, адӕмӕй Кӕй ничи федта ӕмӕ фенӕн Кӕмӕн нӕй, уыцы Хуыцау. Ӕнӕмӕлгӕ цард ӕрмӕст Уымӕ ис. Намыс ӕмӕ Йын паддзахад уӕд мыггагмӕ! Амен.
Хуыцауы никуы ничи федта, фӕлӕ кӕрӕдзи куы уарзӕм, уӕд Хуыцау ис немӕ ӕмӕ Йӕ уарзт та ӕххӕстӕй цӕры нӕ зӕрдӕты.