Книга Исход Cтих 31 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Исход Ветхий Завет

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

Ветхий Завет

Бытие

Исход

← Предыдущая

Исход

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40

Мӕнг дамтӕ ма хӕлиу кӕн. Галиу лӕджы сӕрыл ма рахӕц, науӕд мӕнг ӕвдисӕн суыдзынӕ.

Адӕмӕн сӕ фылдӕр фыдӕхы фарс куы ралӕууа, уӕд сӕ ды ма бафӕзм. Быцӕу раст чи нӕ лыг кӕны, кӕд уыдон бирӕ сты, уӕддӕр семӕ ма баиу у, ӕгъдау ма зыгъуыммӕ кӕн.

Мӕгуыр куы лӕууа тӕрхоны раз, уӕд айдагъ йӕ мӕгуыры тыххӕй йӕ фарс ма у.

Де знагӕн йӕ гал кӕнӕ йӕ хӕрӕг куы адзӕгъӕл уа, ӕмӕ йӕ ды куы ссарай, уӕд ӕй ӕрбатӕр йӕ хицаумӕ.

Де знаджы хӕрӕг уаргъы бын куы ӕрхауа, уӕд ӕй ӕнӕ де 'ххуысӕй ма ныууадз: иумӕ йын сисут йӕ уаргъ.

Мӕгуыр йӕ хъаст куы бадӕтта, уӕд ын хӕрам тӕрхон ма рахӕсс.

Адӕймаджы мӕнгӕй цӕмӕй зылын кӕной, уый фарс ма ралӕуу: ӕназым ӕмӕ раст адӕймагӕн марыны тӕрхон ма рахӕсс; уымӕн ӕмӕ Ӕз азымджыны не сраст кӕндзынӕн.

Гӕртам ма ис – гӕртам бакуырм кӕны цӕстджыны ӕмӕ раст адӕмы ныхӕстӕ зыгъуыммӕ фӕфӕлдахы.

Ӕрцӕуӕггаджы ма хъыгдарут; сымах ӕрцӕуӕггаджы зӕрдӕ хорз куы зонут, уымӕн ӕмӕ уӕхӕдӕг мысыраг зӕххыл ӕрцӕуӕггӕгтӕ уыдыстут.

Ӕхсӕз азы таут уӕ хуым ӕмӕ ӕфснайут, цы йыл ӕрзайа, уый;

Ӕвдӕм аз та баулӕфӕд – ма йӕ байтаут, цӕмӕй йыл цы ӕрзайа, уый хӕрой уӕ адӕмы мӕгуыртӕ; сӕ фӕстӕ ма дзы хъӕддаг сырдтӕн дӕр куыд баззайа. Афтӕ бакӕнут уӕ сӕнӕфсирдӕттӕн дӕр ӕмӕ уӕ зетибӕлӕстӕн дӕр.

Ӕхсӕз боны кӕнут уӕ хъуыддӕгтӕ, ӕвдӕм бон та мацы кусут; дӕ гал дӕр ӕмӕ дӕ хӕрӕг дӕр уадз сӕ фӕллад суадзой, ӕрӕнцайой дӕ цагъар сылгоймаджы лӕппу дӕр ӕмӕ ӕрцӕуӕггаг дӕр.

Ӕз уын цыдӕриддӕр фӕдзӕхсын, уый сӕххӕст кӕнут; иннӕ хуыцӕуттӕм ма кувут, сӕ ном уӕ дзыхӕй ма суадзут.

Афӕдзы дӕргъы Мӕ номыл аразут ӕртӕ бӕрӕгбоны.

Ӕз уын куыд бафӕдзӕхстон, афтӕ бӕрӕг кӕнут Донгонд дзулты бӕрӕгбон: Авивӕйы мӕйы авд боны хӕрут донгонд дзултӕ – уӕд рацыдыстут Мысырӕй. Ӕмӕ Мӕ размӕ афтидармӕй мачи ӕрбацӕуӕд.

Бӕрӕг кӕнут уӕ хуымы Тыллӕджысӕры бӕрӕгбон. Дыргътӕ тоныны бӕрӕгбон та бӕрӕг кӕнут афӕдзы кӕрон, уӕ зӕххыл цы ӕрзад, уый бафснайыны фӕстӕ.

Уеппӕт нӕлгоймӕгтӕ дӕр афӕдз ӕртӕ хатты хъуамӕ ӕрлӕууой уӕ Паддзахы, Дунедарӕджы, раз.

Мӕнӕн нывонд фос куы аргӕвдат, уӕд ын йемӕ ӕнхъизӕнджын кӕрдзын ма ӕрхӕссут; ӕмӕ Мын бӕрӕгбоны нывонды нардӕй райсоммӕ ма ныууадзут.

Уӕ хорысӕр ӕрхӕссут Дунедарӕджы, уӕ Хуыцауы, хӕдзармӕ. Сӕныччы ма фыцут йӕ мады ӕхсыры.

Мӕнӕ уын уӕ разӕй ӕрвитын Мӕ зӕды; уый уӕ хъахъӕндзӕн фӕндагыл ӕмӕ уӕ бакӕндзӕн, Ӕз уын цы бынат ӕрцӕттӕ кодтон, уырдӕм.

Нымайут ӕй ӕмӕ кӕсут йӕ коммӕ, уӕ хивӕндӕй йӕ ныхмӕ ма сыстут. Хивӕнд куы разынат, уӕд уын ӕй нӕ ныббардзӕн, уымӕн ӕмӕ йӕм Мӕ бартӕ ис.

Куы йӕм хъусат, ӕмӕ уын цыдӕриддӕр зӕгъон, уый куы кӕнат, уӕд Ӕз уыдзынӕн уе знӕгты знаг ӕмӕ уе 'фхӕрджыты ӕфхӕрӕг.

Мӕ зӕд уӕ разӕй куы ацӕуа, аморрӕгтӕм, хеттӕм, ферезӕгтӕм, ханаанӕгтӕм, хиввӕгтӕм ӕмӕ уӕ иевусӕгтӕм куы бакӕна, ӕмӕ сӕ Ӕз куы фесафон,

Уӕд сын сӕ хуыцӕуттӕм ма кувут ӕмӕ сын ма табу кӕнут, уыдонмӕ кувджытӕн сӕ хъуыддӕгтӕ ма фӕзмут, фӕлӕ сын ныддӕрӕн кӕнут сӕ мӕнгхуыцӕуттӕ ӕмӕ сын ныссӕттут, нывондтӕ кӕй цур хӕссынц, сӕ уыцы дуртӕ.

Кусут Дунедарӕгӕн, уӕ Хуыцауӕн, ӕмӕ Ӕз Мӕ арфӕ ӕфтаудзынӕн уӕ хорыл ӕмӕ уӕ доныл, низтӕй уӕ бахиздзынӕн.

Уӕ сылгоймӕгтӕн аргӕарын сӕ сывӕллӕттӕ нӕ мӕлдзысты, ӕмӕ уӕ зӕххыл ӕнӕзӕнӕг сылгоймӕгтӕ нӕ уыдзӕн; Ӕз уын ратдзынӕн бирӕ цӕргӕбонтӕ. Уеппӕт знӕгты фӕкӕндзынӕн лидзӕг, уӕ разӕй арвитдзынӕн цӕваг бындзытӕ, ӕмӕ уыдон сымахӕй лидзӕг фӕкӕндзысты хиввӕгты, ханаанӕгты ӕмӕ хетты.

Уӕ фӕндагыл цы адӕмтӕ ис, уыдоны бафтаудзынӕн стыр тасы, цы адӕммӕ цӕут, уыдонӕн сӕ ныфс асӕтдзынӕн; лидзӕг фӕкӕндзынӕн уеппӕт знӕгты.

Уӕ разӕй уын арвитдзынӕн дыдынтӕ, ӕмӕ хиввӕгты, ханаанӕгты ӕмӕ хеттӕгты фӕсурдзысты сымахӕй.

Иу азмӕ сӕ нӕ фӕтӕрдзынӕн сымахӕй, науӕд зӕхх раууатмӕ ӕрцӕудзӕн, сбирӕ уыдзысты хъӕддаг сырдтӕ ӕмӕ уын знаггад кӕндзысты.

Уыциу тард сӕ нӕ фӕкӕндзынӕн, фӕлӕ куыдфӕстӕмӕ – фыццаг иуты, стӕй иннӕты, цалынмӕ сбирӕ уат ӕмӕ зӕхх сымах бауа, уӕдмӕ.

Уӕ арӕнтӕ уыдзысты Сырх денджызӕй Зӕххастӕу денджызмӕ ӕмӕ ӕдзӕрӕг быдырӕй Ефратмӕ; Мӕ руаджы фӕуӕлахиз уыдзыстут ацы зӕххыл цӕрджытыл, ӕмӕ сӕ фӕтӕрдзыстут.

Параллельные места

Бытие 15:18

Уыцы бон Хуыцау Аврамимӕ сарӕзта фидыд ӕмӕ загъта: «Мысыры цӕугӕдонӕй суанг Ефраты номдзыд цӕугӕдонмӕ цы зӕхх ис, уый Ӕз дӕ байзӕддӕгтӕн дӕттын –

Бадзырд ма саразут нӕдӕр уыдонимӕ, нӕдӕр сӕ хуыцӕуттимӕ.

Уыдон уӕ зӕххыл хъуамӕ ма цӕрой, науӕд уӕ ӕфтаудзысты тӕригъӕды, ӕмӕ уымӕй цӕудзыстут Мӕ хъыджы. Сӕ хуыцӕуттӕм куы куват, уӕд бахаудзыстут къӕппӕджы“».

← Предыдущая

Исход

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40

Выбор основного перевода