«Мах уын фидарӕй нӕ загътам, ӕви, уыцы Адӕймаджы номыл адӕмы мауал ахуыр кӕнут, зӕгъгӕ? Сымах та Иерусалимы ахӕлиу кодтат уӕ ахуырад, ӕмӕ уыцы Адӕймаджы мӕлӕт махыл сӕвӕринаг стут».
Петр ӕмӕ иннӕ апостолтӕ дзуапп радтой: «Адӕмы коммӕ нӕ, фӕлӕ Хуыцауы коммӕ хъуамӕ кӕсӕм.
Ӕз фарны уац адӕммӕ кӕй хӕссын, уымӕй мӕхицӕй нӕ раппӕлдзынӕн – уый мӕ хӕс у, ӕмӕ додой мӕ сӕр, фарны уац адӕммӕ куы нӕ хӕссон, уӕд!
Ӕз абон адӕмы хорзӕхмӕ тырнын ӕви Хуыцауы? Мыййаг, адӕмы зӕрдӕ балхӕныныл архайын? Абон дӕр ма ӕз адӕмы зӕрдӕ балхӕныныл куы архаин, уӕд Чырыстийы цагъар нӕ уаин.