Мадиамаг сӕудӕджертӕ сӕ рӕзты куы рацӕйцыдысты, уӕд ӕфсымӕртӕ Иосифы сластой уӕрмӕй, ӕмӕ йӕ измаилӕгтӕн ауӕй кодтой ссӕдз ӕвзист сиклыл. Уыдон та йӕ семӕ акодтой Мысырмӕ.
Мах дзуапп радтам не 'лдарӕн: „Ис нын зӕронд фыд ӕмӕ кӕстӕр ӕфсымӕр – нӕ фыдӕн ӕрӕджиауы фырт; йе 'фсымӕр амард ӕмӕ мадызӕнӕгӕй ӕрмӕст уый баззад; ӕмӕ йӕ нӕ фыд бирӕ уарзы“.
Сымахмӕ мӕнӕн фыдбылыз саразыны фӕнд уыди, фӕлӕ йӕ Хуыцау раивта хорзӕхӕй, цӕмӕй бакӕна, ныртӕккӕ куыд рауад, афтӕ: бирӕ адӕмы бахызта мӕлӕтӕй.