Книга Бытие Cтих 22 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Бытие Ветхий Завет

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

Ветхий Завет

Бытие

Исход

← Предыдущая

Бытие

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Йӕ цуры чи уыди, уыдоны раз Иосиф йӕхиуыл фӕхӕцын нал фӕрӕзта, ӕмӕ ныхъхъӕр ласта: «Уеппӕт дӕр ацӕут ардыгӕй!» Ӕмӕ йӕ цуры куы ничиуал баззад, уӕд йе 'фсымӕртӕн базонын кодта йӕхи.

Афтӕ хъӕрӕй скуыдта, ӕмӕ йӕ фехъуыстой мысырӕгтӕ. Хабар байхъуысти фараоны хӕдзармӕ дӕр.

Иосиф йе 'фсымӕртӕн загъта: «Ӕз Иосиф дӕн! Мӕ фыд ма удӕгас у?» Йе 'фсымӕртӕ фыртӕссӕй афтӕ фӕджих сты, ӕмӕ йын дзуапп раттын сӕ бон нал уыд.

Уӕд сын Иосиф загъта: «Хӕстӕг мӕм ӕрбацӕут». Уыдон ӕм куы бацыдысты, уӕд та сын загъта: «Ӕз Иосиф дӕн, сымах Мысырмӕ кӕй ауӕй кодтат, уӕ уыцы ӕфсымӕр.

Фӕлӕ ныр ма тыхсут ӕмӕ уӕхи ма хӕрут, ардӕм мӕ кӕй рауӕй кодтат, ууыл. Уымӕн ӕмӕ мӕн уӕ цурӕй ардӕм Хуыцау рарвыста, цӕмӕй сымах баззайат удӕгасӕй.

Стонг рӕстӕг бӕстӕйы дыууӕ азы размӕ райдыдта, ӕмӕ ма ноджыдӕр фондз азы нӕдӕр хуым кӕндзысты, нӕдӕр – най.

Хуыцау мӕ ардӕм рарвыста уӕ разӕй, цӕмӕй диссагӕн фервӕзат, ӕмӕ уый руаджы баззайат зӕххыл.

Уӕдӕ мӕ ардӕм сымах нӕ рарвыстат, фӕлӕ мӕн фараонӕн фыдӕн, йеппӕт хӕдзары ӕмӕ ӕппӕт мысыраг бӕстӕйы хицауӕй цы Хуыцау сӕвӕрдта, Уый мӕ рарвыста.

Рӕвдздӕр ацӕут мӕ фыдмӕ ӕмӕ йын зӕгъут: „Афтӕ зӕгъы дӕ фырт Иосиф: ‘Хуыцау мӕ ӕппӕт Мысырӕн сӕвӕрдта ӕлдарӕй. Ӕрцу мӕм ӕвӕстиатӕй.

Ӕрцӕрдзынӕ Гесемы зӕххыл. Дӕхӕдӕг ӕмӕ дӕ фырттӕ, дӕ фыртты цот, фысвос ӕмӕ стуртӕ – уеппӕт дӕр уыдзыстут мӕ фарсмӕ.

Ӕххормаг рӕстӕг ма фондз азы ахӕсдзӕн, ӕмӕ уӕ фӕдардзынӕн, науӕд сгӕвзыкк уыдзынӕ дӕхӕдӕг дӕр ӕмӕ дӕ хӕдзар ӕгасӕй дӕр’“.

Сымах дӕр ӕмӕ ме 'фсымӕр Вениамин дӕр уӕхи цӕстӕй уынут, уемӕ ныхасгӕнӕг Иосиф кӕй у, уый.

Мысыры мын цы стыр кад ис, стӕй цытӕ федтат, ӕппӕт уыдӕтты тыххӕй радзурут мӕ фыдӕн, ӕмӕ йӕ тагъддӕр ӕрхонут ардӕм».

Иосиф ныттыхст йе 'фсымӕр Вениамины ӕфцӕгыл ӕмӕ куыдта; Вениамин дӕр ын ныттыхст йе 'фцӕгыл ӕмӕ куыдта.

Иосиф йе 'фсымӕртӕй алкӕмӕн дӕр батӕ ӕмӕ хъӕбыстӕ кодта кӕугӕйӕ. Уый фӕстӕ ӕфсымӕртӕн бацайдагъ ныхас Иосифимӕ.

Фараоны хӕдзармӕ байхъуыст Иосифы ӕфсымӕрты ӕрцыды хабар, ӕмӕ ӕхсызгон уыди фараонӕн ӕмӕ йӕ фӕсдзӕуинтӕн.

Фараон Иосифӕн загъта: «Де 'фсымӕртӕн зӕгъ: „Бакӕнут афтӕ: уӕ хӕрджытыл сӕвӕрут уӕргътӕ ӕмӕ рӕвдздӕр ацӕут Ханааны зӕхмӕ;

Ракӕнут уӕ фыды, уӕ бинонты ӕмӕ ӕрцӕут мӕнмӕ. Ӕз уын ратдзынӕн Мысыры хуыздӕр зӕххытӕ, ӕмӕ цӕрдзыстут уыцы зӕххы сойӕ“.

Ды та де 'фсымӕртӕн ноджыдӕр бафӕдзӕхс: „Мысырӕй акӕнут бӕхуӕрдӕттӕ уӕ сывӕллӕттӕн ӕмӕ уӕ устытӕн; ракӕнут уӕ фыды ӕмӕ ӕрцӕут.

Уӕ хӕдзары дзаумӕттӕ ныууадзын уӕм ӕвгъау ма фӕкӕсӕд, уымӕн ӕмӕ Мысыры зӕххыл хуыздӕр цы ис, уый сымах уыдзӕн“».

Израилы фырттӕ бакодтой, куыд сын загъдӕуыд, афтӕ. Иосиф сын, фараоны бардзырдмӕ гӕсгӕ, радта бӕхуӕрдӕттӕ, фӕндагмӕ сын семӕ нывӕрдта хойраг.

Алкӕмӕн дӕр сӕ радта иу фӕлыст дарӕс, Вениаминӕн та – ӕртӕсӕдӕ ӕвзист ӕхцайы ӕмӕ фондз фӕлысты дарӕс.

Параллельные места

Бытие 43:34

Хӕринӕгтӕ сын хастой Иосифы фынгӕй, Вениамины хай иннӕты хӕйттӕй уыди фондз хатты стырдӕр. Ӕфсымӕртӕ нуӕзтой ӕмӕ минас кодтой Иосифимӕ.

Йӕ фыдӕн дӕр арвыста дӕс хӕрӕджы, Мысыры хуыздӕрӕй цы уыди, уымӕй дзаг уӕргътимӕ, ӕмӕ дӕс мадӕл хӕрӕджы – хоры, дзулы ӕмӕ ӕндӕр хойраджы уӕргътимӕ фӕндагмӕ.

Уый фӕстӕ Иосиф арвыста йе 'фсымӕрты. Куы цыдысты, уӕд сын загъта: «Фӕндагыл уӕм быцӕу ма рауайӕд».

Ӕфсымӕртӕ араст сты Мысырӕй ӕмӕ ӕрцыдысты Ханааны зӕхмӕ, сӕ фыд Иаковмӕ,

Ӕмӕ йын радзырдтой: «Удӕгас у Иосиф, ӕппӕт Мысыры бӕстӕйӕн ӕлдариуӕг кӕны». Иаков фӕуыргъуыйау, уымӕн ӕмӕ сыл не 'ууӕндыд.

Фӕлӕ сын Иосиф цыдӕриддӕр загъта, ӕппӕт уыдӕттӕ йын куы радзырдтой, йӕ аласынӕн Иосиф цы бӕхуӕрдӕттӕ рарвыста, уыдон куы федта, уӕд Иаковы уӕнгты тых бацыди.

Израил загъта: «Мӕ фырт Иосиф удӕгас кӕй у, уый мын ӕгъгъӕд фӕуӕд. Цалынмӕ нӕ амардтӕн, уӕдмӕ фӕцӕуон ӕмӕ йӕ фенон».

← Предыдущая

Бытие

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Выбор основного перевода