Книга Бытие Cтих 10 | Параллельные места

Иаков йӕ разӕй Иудайы арвыста Иосифмӕ, цӕмӕй сын Гесеммӕ бацамона фӕндаг. Гесемы зӕхмӕ куы ӕрцыдысты, Уӕд ын дзуапп раттут: „Мах, дӕ цагъартӕ, не 'взонджы бонтӕй нырмӕ, нӕ фыдӕлтау, фосдарджытӕ стӕм“. Ӕмӕ уӕ ӕрцӕрын кӕндзысты Гесемы зӕххыл. Уымӕн ӕмӕ фыййау мысырӕгты цӕсты ӕлгъаг у». Иосиф ӕрцыди фараонмӕ ӕмӕ йын загъта: «Мӕ фыд ӕмӕ ме 'фсымӕртӕ сӕ фысвос ӕмӕ стуртимӕ, цы сӕм ис, уыцы мулкимӕ ӕрцыдысты Ханааны зӕххӕй, ӕмӕ ныртӕккӕ сты Гесемы».

Ӕххормаг рӕстӕг ма фондз азы ахӕсдзӕн, ӕмӕ уӕ фӕдардзынӕн, науӕд сгӕвзыкк уыдзынӕ дӕхӕдӕг дӕр ӕмӕ дӕ хӕдзар ӕгасӕй дӕр’“.

Сымах дӕр ӕмӕ ме 'фсымӕр Вениамин дӕр уӕхи цӕстӕй уынут, уемӕ ныхасгӕнӕг Иосиф кӕй у, уый.

Мысыры мын цы стыр кад ис, стӕй цытӕ федтат, ӕппӕт уыдӕтты тыххӕй радзурут мӕ фыдӕн, ӕмӕ йӕ тагъддӕр ӕрхонут ардӕм».

Иосиф ныттыхст йе 'фсымӕр Вениамины ӕфцӕгыл ӕмӕ куыдта; Вениамин дӕр ын ныттыхст йе 'фцӕгыл ӕмӕ куыдта.

Иосиф йе 'фсымӕртӕй алкӕмӕн дӕр батӕ ӕмӕ хъӕбыстӕ кодта кӕугӕйӕ. Уый фӕстӕ ӕфсымӕртӕн бацайдагъ ныхас Иосифимӕ.

Фараоны хӕдзармӕ байхъуыст Иосифы ӕфсымӕрты ӕрцыды хабар, ӕмӕ ӕхсызгон уыди фараонӕн ӕмӕ йӕ фӕсдзӕуинтӕн.

Фараон Иосифӕн загъта: «Де 'фсымӕртӕн зӕгъ: „Бакӕнут афтӕ: уӕ хӕрджытыл сӕвӕрут уӕргътӕ ӕмӕ рӕвдздӕр ацӕут Ханааны зӕхмӕ;

Ракӕнут уӕ фыды, уӕ бинонты ӕмӕ ӕрцӕут мӕнмӕ. Ӕз уын ратдзынӕн Мысыры хуыздӕр зӕххытӕ, ӕмӕ цӕрдзыстут уыцы зӕххы сойӕ“.

Ды та де 'фсымӕртӕн ноджыдӕр бафӕдзӕхс: „Мысырӕй акӕнут бӕхуӕрдӕттӕ уӕ сывӕллӕттӕн ӕмӕ уӕ устытӕн; ракӕнут уӕ фыды ӕмӕ ӕрцӕут.

Уӕ хӕдзары дзаумӕттӕ ныууадзын уӕм ӕвгъау ма фӕкӕсӕд, уымӕн ӕмӕ Мысыры зӕххыл хуыздӕр цы ис, уый сымах уыдзӕн“».

Израилы фырттӕ бакодтой, куыд сын загъдӕуыд, афтӕ. Иосиф сын, фараоны бардзырдмӕ гӕсгӕ, радта бӕхуӕрдӕттӕ, фӕндагмӕ сын семӕ нывӕрдта хойраг.

Алкӕмӕн дӕр сӕ радта иу фӕлыст дарӕс, Вениаминӕн та – ӕртӕсӕдӕ ӕвзист ӕхцайы ӕмӕ фондз фӕлысты дарӕс.