Книга Бытие Cтих 1 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Бытие Ветхий Завет

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

Ветхий Завет

Бытие

Исход

← Предыдущая

Бытие

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Иаковӕн Лиа кӕй ныййардта, йӕ уыцы чызг Динӕ рацыди бынӕттон цӕрджыты сылгоймӕгты фенынмӕ.

Параллельные места

Бытие 30:21

Уый фӕстӕ Лиа ныййардта чызг, ӕмӕ йыл сӕвӕрдта ном – Динӕ.

Уыцы зӕххы паддзахы – евейаг Емморы фырт Сихем федта Динӕйы, ӕрцахста йӕ ӕмӕ йын тыхми бакодта.

Сихемы зӕрдӕмӕ тынг фӕцыд Иаковы чызг Динӕ, бауарзта йӕ ӕмӕ йӕ рӕвдыдта йӕ ныхӕстӕй.

Сихем йӕ фыд Емморӕн загъта: «Ракур мын уыцы чызджы».

Йӕ чызг Динӕ кӕй фӕхудинаг, уый Иаков куы фехъуыста, уӕд йӕ фырттӕ фосы дзугтимӕ быдыры уыдысты. Ӕмӕ йӕ никӕмӕн загъта, цалынмӕ йӕ фырттӕ хӕдзармӕ 'рцыдысты, уӕдмӕ.

Сихемы фыд Еммор ӕрбацыд Иаковимӕ бафидауынмӕ.

Иаковы фырттӕ быдырӕй куы ӕрцыдысты ӕмӕ хабар куыддӕр фехъуыстой, афтӕ хъыг кодтой, сӕ маст сӕхсысти; уымӕн ӕмӕ Сихем сарӕзта, ӕруадзӕн цӕмӕн нӕ уыд, уый – схуыссыд Иаковы чызгимӕ, ӕмӕ уымӕй фегад кодта Израилы.

Еммор сын загъта: «Мӕ фырт Сихемӕн ӕнӕ уӕ чызг йӕ бон нал у. Курын уӕ, раттут ын ӕй.

Бахӕстӕг ут немӕ: нӕ лӕппутӕн дӕттут уӕ чызджыты, уӕ лӕппутӕн курут нӕ чызджыты.

Ӕрцӕрут не 'хсен – нӕ зӕхх уӕ разы ис; уӕ бон у, кӕм уӕ бафӕнда, уым цӕрын; амӕлттӕ дзы кӕнут».

Динӕйы фыдӕн ӕмӕ ӕфсымӕртӕн Сихем загъта: «Уӕхи мыл ма атигъ кӕнут; цы зӕгъат, уый уын ратдзынӕн.

Цавӕрфӕнды ирӕд ӕмӕ лӕвӕрттӕ уӕнт, ӕз сӕ бафиддзынӕн, сымах куыд зӕгъат, афтӕ; ӕрмӕст мын уӕ чызджы раттут».

Уӕд Иаковы фырттӕ Сихемӕн ӕмӕ йӕ фыд Емморӕн дзуапп радтой сайӕн ныхӕстӕй, уымӕн ӕмӕ сын Сихем фегад кодта сӕ хо Динӕйы.

Дзырдтой сын: «Ахӕм хъуыддаг саразын нӕ бон нӕу: ӕнӕсунӕт лӕгӕн нӕ хойы раттын махӕн стыр худинаг уаид.

Мах хуызӕн куы суат – уӕ нӕлгоймӕгтӕ иууылдӕр сунӕтгонд куы уой, ӕрмӕст уӕд бафидаудзыстӕм.

Уӕд уын дӕтдзыстӕм нӕ чызджыты ӕмӕ курдзыстӕм уӕ чызджыты; ӕрцӕрдзыстӕм уемӕ ӕмӕ суыдзыстӕм иу адӕм.

Фӕлӕ нӕм куы нӕ байхъусат ӕмӕ сунӕт куы нӕ скӕнат, уӕд акӕндзыстӕм нӕ хойы ӕмӕ ацӕудзыстӕм».

Сӕ ныхӕстӕ Емморы ӕмӕ йӕ фырт Сихемы зӕрдӕмӕ фӕцыдысты.

Ӕрыгон лӕппу ӕвӕстиатӕй бакодта, цы йын загътой, уый; уымӕн ӕмӕ зӕрдӕйӕ уарзта Иаковы чызджы. Сихем та йӕ фыды хӕдзары тӕккӕ нымаддӕр адӕймаг уыдис.

Еммор ӕмӕ йӕ фырт Сихем ӕрцыдысты сӕ ныхасмӕ, сахары кулдуармӕ, ӕмӕ сахары цӕрджытӕн загътой: «

Уыцы адӕм нӕм хорз цӕстӕй кӕсынц. Цӕрӕнт нӕ зӕххыл, ӕмӕ дзы амӕлттӕ кӕнӕнт. Нӕ парахат зӕхх уыдоны фаг дӕр у. Нӕ лӕппутӕн курдзыстӕм сӕ чызджыты ӕмӕ сын дӕтдзыстӕм нӕ чызджыты.

Фӕлӕ уыцы адӕм немӕ цӕрыныл, немӕ иу адӕм суӕвыныл разы сты, неппӕт нӕлгоймӕгтӕ уыдонау сунӕтгонд куы уой, ӕрмӕстдӕр уӕд.

Сӕ дзугтӕ, сӕ мулк ӕмӕ сӕ фос ӕнӕхъӕнӕй мах нӕ бауыдзысты, ӕви? Фӕлӕ куы сразы уӕм, ӕрмӕст уӕд ӕрцӕрдзысты немӕ».

Сахары кулдуармӕ, ныхасмӕ, чидӕриддӕр рахызт, уыдон сразы сты Емморимӕ ӕмӕ йӕ фырт Сихемимӕ. Афтӕмӕй сахары кулдуармӕ чидӕриддӕр рахызт, уыцы нӕлгоймӕгтӕ сеппӕт дӕр скодтой сунӕт.

Ӕртыккаг бон, нӕлгоймӕгтӕ сӕ тӕккӕ рынчыныл куы уыдысты, уӕд Иаковы дыууӕ фырты – Симеон ӕмӕ Левий, Динӕйы ӕфсымӕртӕ, – райстой сӕ цирхъытӕ, ӕнӕнхъӕлӕджы бабырстой сахармӕ ӕмӕ фӕцагътой ӕппӕт нӕлгоймӕгты.

Емморӕн йӕхи дӕр ӕмӕ йӕ фырт Сихемы дӕр амардтой цирхъӕй, Сихемы хӕдзарӕй ракодтой Динӕйы ӕмӕ рацыдысты.

Иаковы фырттӕ бацыдысты, кӕй амардтой, уыдонмӕ, ӕмӕ сахар бастыгътой сӕ хойы худинаджы тыххӕй.

Ратардтой сын сӕ фысвос, се стуртӕ ӕмӕ сӕ хӕрджытӕ – сахары ӕмӕ быдыры цыдӕриддӕр уыди, уый ахастой;

Ахастой сын сеппӕт мулк, акодтой сын сӕ сывӕллӕтты ӕмӕ сӕ устыты, сӕ хӕдзӕрттӕ сын бынтондӕр бастыгътой.

Уӕд Иаков Симеонӕн ӕмӕ Левийӕн загъта: «Бӕллӕхы мӕ баппӕрстат. Сымах тыххӕй ацы зӕххы цӕрджытӕн, ханаанӕгтӕн ӕмӕ ферезӕгтӕн, уӕнгӕл фестадтӕн. Махмӕ адӕм бирӕ нӕй, ӕмӕ мӕм уыдон иумӕ куы ӕрбабырсой, уӕд мын мӕхи дӕр ӕмӕ мӕ хӕдзар дӕр бабын кӕндзысты».

Фӕлӕ йын йӕ фырттӕ загътой: «Уӕдӕ нӕ хо цыма уӕййаг сыл уыд, ахӕм ми йын бакӕнын ӕмбӕлди, мыййаг?!»

← Предыдущая

Бытие

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Выбор основного перевода