Книга Бытие Cтих 10 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Бытие Ветхий Завет

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

Ветхий Завет

Бытие

Исход

← Предыдущая

Бытие

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Иаков акаст ӕмӕ федта: Исав ӕрбацӕуы цыппарсӕдӕ адӕймагимӕ. Лиайы, Рахилы ӕмӕ дыууӕ лӕггадгӕнӕг сылгоймаджы Иаков ӕрлӕууын кодта хицӕнтӕй, алкӕйдӕр йӕ сывӕллӕттимӕ;

Лӕггадгӕнӕг сылгоймӕгты сӕ сывӕллӕттимӕ – разӕй, Лиайы йӕ сывӕллӕттимӕ – уыдоны фӕстӕ, Рахил ӕмӕ Иосифы та – сеппӕты фӕстӕ.

Йӕхӕдӕг ацыди сӕ разӕй йе 'фсымӕрмӕ; нӕма йӕм бахӕццӕ, афтӕ йын зӕххы онг авд хатты акуывта.

Исав разгъордта Иаковы размӕ ӕмӕ йын ахъӕбыс кодта, ныттыхстис ын йе 'фцӕгыл, батӕ йын кодта ӕмӕ сӕ дыууӕ дӕр куыдтой.

Исав акаст, федта устыты ӕмӕ сывӕллӕтты, ӕмӕ бафарста: «Уыдон дын чи сты?» Иаков загъта: «Хуыцау дӕ цагъары кӕмӕй барӕвдыдта, уыцы сывӕллӕттӕ».

Исавмӕ бацыдысты лӕггадгӕнӕг сылгоймӕгтӕ сӕ сывӕллӕттимӕ, ӕмӕ йын ныллӕг акуывтой.

Уый фӕстӕ йӕм бацыди Лиа йӕ сывӕллӕттимӕ ӕмӕ йын ныллӕг акуывтой. Ӕппынфӕстаг ӕм бацыдысты Иосиф ӕмӕ Рахил ӕмӕ йын ныллӕг акуывтой.

Исав бафарста Иаковы: «Цӕмӕн арвыстай ӕппӕт уыцы дзугтӕ мӕ размӕ?» Иаков дзуапп радта: «Цӕмӕй мӕм ды, ме 'лдар, ракӕсай хорз цӕстӕй».

Исав загъта: «Мӕнмӕ бирӕ мулк ис, ме 'фсымӕр; цы дӕм ис, уый дӕхицӕн ныууадз».

Иаков загъта: «Курын дӕ, кӕд дӕ аудыны аккаг дӕн, уӕд айс мӕ лӕвар. Ды мӕм хорз цӕстӕй ракастӕ; Хуыцауы фендау мын уыди дӕ фенд.

Параллельные места

Бытие 43:3

Иуда йын дзуапп радта: «Уыцы лӕг нын фидарӕй загъта: „Уӕхи мӕм ма равдисут, уе 'фсымӕр уемӕ куы нӕ уа, уӕд“.

Уӕдӕ айс, ӕз дын кӕй арвыстон, мӕ уыцы лӕвӕрттӕ. Хуыцау мын лӕвӕрдта рӕдауӕй, ӕмӕ мӕм ӕппӕт дӕр ис». Иаков ӕм ӕрхатыд, ӕмӕ Исав айста лӕвӕрттӕ.

Исав загъта: «Ныр адарӕм нӕ фӕндаг; ӕз цӕудзынӕн демӕ».

Иаков ын дзуапп радта: «Сывӕллӕттӕ лӕмӕгъ кӕй сты, уый хорз зоныс, ме 'лдар. Мӕ лыстӕг фос ӕмӕ хъуццытӕ та дуцгӕ сты. Иу бон ма сӕ куы фӕтӕрӕм, уӕд ӕгасӕй дӕр фӕцагъды уыдзысты.

Ме 'лдар ацӕуӕд йӕ цагъары разӕй, ӕз та цӕудзынӕн, мӕ фос куыд цӕуой, стӕй сывӕллӕттӕ куыд цӕуой, афтӕ сындӕг, цалынмӕ ме 'лдармӕ, Сеирмӕ, бахӕццӕ уон, уӕдмӕ».

Исав загъта: «Уӕд та мӕ бауадз, ӕмӕ мемӕ цы адӕм ис, уыдонӕй цалдӕры ныууадзон демӕ». Иаков загъта: «Цӕмӕн? Ӕрмӕст мӕм ме 'лдар ракӕсӕд хорз цӕстӕй, ӕндӕр мӕ ницы хъӕуы».

Уыцы бон Исав йӕ фӕндагыл аздӕхти Сеирмӕ.

Иаков та ацыди Сокхофмӕ, ӕмӕ уым йӕхицӕн сарӕзта хӕдзар, йӕ фосӕн та – халагъудтӕ. Уымӕ гӕсгӕ схуыдта уыцы бынат Сокхоф.

Афтӕ ПадданАрамӕй ӕрбаздӕхыны фӕстӕ Иаков дзӕбӕхӕй бахӕццӕ ханаанаг зӕхмӕ, Сихемы сахармӕ, ӕмӕ ӕрцард йӕ фарсмӕ.

Сихемы фыд Емморы байзӕддӕгтӕй фондзыссӕдз ӕвзист ӕхцайӕ балхӕдта зӕхх, ӕмӕ йыл ӕрӕвӕрдта йӕ цатыр.

Уым сарӕзта нывондхӕссӕн ӕмӕ йӕ схуыдта ЭлЭлохеИсраэл.

← Предыдущая

Бытие

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Выбор основного перевода