Ӕз сымахыл донӕй аргъуыдтон, Уый та уыл аргъаудзӕни Сыгъдӕг Удӕй».
Бӕрӕгбоны фӕстаг ӕмӕ тӕккӕ ахсджиагдӕр бон Йесо сыстад ӕмӕ хъӕлӕсыдзагӕй загъта: «Дойны кӕмӕн у, уый Мӕм ӕрцӕуӕд ӕмӕ баназӕд.
Сыгъдӕг Фыст куыд амоны, афтӕ Мӕныл ӕууӕндӕджы зӕрдӕйӕ ныггуылф кӕндзысты царддӕттӕг цӕугӕдӕттӕ».
Йесо афтӕ загъта, Ууыл ӕууӕндджытӕ Кӕмӕй хъуамӕ схайджын уыдаиккой, уыцы Сыгъдӕг Уды тыххӕй. Уӕд Сыгъдӕг Уды нӕма рарвыстӕуыд, уымӕн ӕмӕ Йесойы намыс нӕма раргом.
Уыдонӕн сеппӕтыл дӕр Моисеимӕ саргъуыдӕуыд ӕврагъ ӕмӕ денджызы.
Сеппӕт дӕр хордтой уыциу уӕларвон хойраг.
Сеппӕт дӕр нуӕзтой уыциу уӕларвон донӕй – семӕ чи уыдис, уыцы уӕларвон къӕдзӕхӕй ракӕлгӕ донӕй; уыцы къӕдзӕх та уыди Чырысти.
Уымӕн ӕмӕ ды Хуыцауӕн удӕй куы арфӕ кӕнай, уӕд ӕвзӕгтӕ ӕмбарынхъом цы адӕймаг нӕу, уый дӕ арфӕйӕн «амен» куыд зӕгъдзӕн, цы дзурыс, уый куы не 'мбара, уӕд?
Мах кастыстӕм мӕлӕты цӕстытӕм, ӕмӕ нӕ Хуыцау бахызта. Уый фервӕзын кӕндзӕн мах, ӕмӕ Йыл нӕ зӕрдӕ дарӕм: фервӕзын нӕ кӕндзӕни ноджыдӕр,
Ныр нал ис нӕдӕр иудей, нӕдӕр бердзенаг, нӕдӕр цагъар, нӕдӕр сӕрибар, нӕдӕр нӕлгоймаг, нӕдӕр сылгоймаг, уымӕн ӕмӕ уеппӕт дӕр Йесо Чырыстиимӕ ӕнӕфӕхицӕнгӕнгӕ иу стут.
Уымӕн ӕмӕ нӕ дыууӕтӕн дӕр, иу Удӕй хайджынтӕн, Фыдмӕ фӕндаг байгом Чырыстийы фӕрцы.
Сымах иумӕ иу буар стут, хайджын стут иу Удӕй, ис уын иумӕйаг зӕрдӕдарӕн – Хуыцау уын ӕй радта, куы уӕ ӕрхуыдта, уӕд.
Ныр бердзенаг уай, иудей уай, сунӕтгонд уай, ӕнӕсунӕтгонд уай, талынг адӕмтӕй уай, скиф уай, цагъар уай, сӕрибар уай – уӕлдай нал у. Ӕппӕтдӕр у Чырысти, алкӕй зӕрдӕйы дӕр Уый цӕры.