Фӕлӕ ӕцӕгадмӕ гӕсгӕ чи цӕры, уый та цӕуы рухсмӕ – йӕ хъуыддӕгтӕ ӕргом куыд уой, уымӕн ӕмӕ уыдон Хуыцауӕн фӕндон сты».
Сымах Ӕй нӕ базыдтат, Ӕз та Йӕ зонын. Ӕмӕ Йӕ нӕ зонын, зӕгъгӕ, куы зӕгъон, уӕд сымахау фӕлитой уыдзынӕн. Фӕлӕ Йӕ Ӕз зонын ӕмӕ ӕххӕст кӕнын Йӕ дзырд.
Ӕнӕуырнджытимӕ иу ӕфсондзы уӕхи ма сифтындзут. Рӕстдзинад ӕмӕ тӕригъӕдӕн, рухс ӕмӕ талынгӕн иумӕйагӕй исты ис, мыййаг?
Афтӕ чи зӕгъы: «Ӕз Ӕй базыдтон», фӕлӕ Йын Йӕ фӕдзӕхстытӕ та не 'ххӕст кӕны, уый у фӕлитой ӕмӕ ӕцӕгад йӕ зӕрдӕйы нӕ цӕры.
Афтӕ чи зӕгъы, рухсы цӕрын, зӕгъгӕ, афтӕмӕй йе 'фсымӕрӕй та йе сӕфт чи уыны, уый нырма талынджы цӕры.
Йе 'фсымӕры чи уарзы, уый рухсы цӕры, ӕмӕ тӕригъӕдмӕ цы аразы, ахӕмӕй йӕм ницы ис.
Йе 'фсымӕрӕй йе сӕфт чи уыны, уый та талынджы ис, йӕ фӕндаг талынг у ӕмӕ, кӕдӕм цӕуы, уый нӕ зоны, уымӕн ӕмӕ йӕ талынг бакуырм кодта.