Усаг кӕмӕн ис, уый сиахсаг у. Сиахсаджы хӕлар та лӕууы сиахсаджы фарсмӕ, хъусы йын йӕ хъӕлӕс ӕмӕ цин кӕны. Афтӕ нӕй кӕрон мӕ цинӕн.
Адӕттӕ уын загътон, цӕмӕй Мӕ цинӕй уат хайджын, ӕмӕ уӕ цинӕн ма уа кӕрон.
Ныронг Мӕ номӕй ницы куырдтат. Ныр курут ӕмӕ райсдзыстут, ӕмӕ уӕ цинӕн кӕрон нӕ уыдзӕн.
Мӕ хъӕбултӕ, ацы ныхӕстӕ уӕм ӕз фыссын, тӕригъӕды цӕмӕй ма ӕфтат, уый тыххӕй. Фӕлӕ уӕ исчи тӕригъӕд куы ракӕна, уӕд нын Фыды раз ис Сӕрылхӕцӕг, Рӕстгӕнӕг Йесо Чырысти.
Ацы ныхӕстӕ ныффыстон сымахмӕ, Хуыцауы Фыртыл ӕууӕндджытӕм, мыггагмӕйы цард уын кӕй ис, уый куыд зонат, афтӕ.
Бирӕ цӕйдӕрты тыххӕй уӕм ныффыссин, фӕлӕ мӕ милдонӕй гӕххӕттыл фыссын нӕ фӕнды. Мӕ зӕрдӕ дарын сымахмӕ ӕрцӕуыныл ӕмӕ лӕгӕй-лӕгмӕ фӕныхас кӕныныл, нӕ цинӕн кӕрон куыд нӕ уа, афтӕ.