Шатланып, сююнюп къалсын дагъы халкълар! Неге тюгюл де, адилли кюйде дуван этесен Сен халкълагъа, шолай ёлбашчылыкъ этесен ер юзюндеги адамлагъа да.
Раббибизни алдында, неге тюгюл де Олдур ер юзюне дуван этежек. Олдур дюньягъа адилли, халкълагъа да тюз дуван этежек.
Давутну йыры. Булай деди Рабби Есиме: «Мен Сени душманларынгны аякъларынгны тюбюне салгъынча, Мени онг ягъымда олтуруп тур».
Аллагь Оьзю сайлагъан Исадан таба савлай дюньягъа адилли дуван этежек гюнню белгиледи. О шо Адамны оьлюмден тирилтмеклиги булан шону бютюн инсанлагъа исбатлады.
Мен ачылгъан кёклени ва акъ атны гёрдюм. Атгъа минген атлыгъа Амин ва Гьакъ деп айтыла эди. Неге тюгюл де, О адилли кюйде дуван эте ва дав юрюте эди.