Гёзюмню бебейи йимик сакъла дагъы мени. Магъа чапгъын этип турагъан къылыкъсызланы бетлеринден де, мени аралап токътагъан душманларымдан да къанат тюбюнгдеги салкъынлыкъда яшырып сакъла дагъы мени.
Неге тюгюл де, балагь гелген гюн чатырында яшырып сакълар Ол мени, Оьзю турагъан ерни инг де сырлы еринде яшырып къояр мени, яргъа гётерип къояр мени.
Адамланы башгётеривлеринден барлыгъынг булан сакълап турасан шоланы Сен, эришивлерден де яшырып турасан шоланы Сен.
Ябывумсандыр Сен мени. Къайгъылардан сакълайсандыр Сен мени, бары да ерде къутулувну сююнчлерин эшитип де тураман мен.
Не къыйматлыдыр дагъы Сени зор сюювюнг, Аллагьым! Къанат тюбюнгню салкъынлыгъында къоркъунчсуз турадыр инсанлар.
Раббибиздир къоруп сакълайгъан сени; Раббибиздир якълавунг сени, гьаман да янынгдадыр Ол сени.