Ёлларынгны гёрсет дагъы, Раббим, магъа, сокъмакъларынгдан юрюме де уьйрет дагъы мени.
Неге тюгюл де, Сени зор сюювюнг гёз алдымда тура мени, Сени гьакъ гертилигинг булан юрюп турдум мен де.
Уьйрет дагъы, Раббим, Оьзюнгню ёлунга, душманларымны хатири учун тюз сокъмакъгъа да сал мени.
Къарап къой чу: терс ёлгъа тюшюп сама къалмагъанмы экенмен мен, даимги ёлгъа салып къой чу мени де.
Сен сюйгенни этме уьйретип къой чу мени, неге тюгюл де Сенсендир Аллагьым мени. Сени рагьмулу Ругьунг тюз ёлдан юрютюп турсун дагъы мени.