Сионда гьакимлик этип турагъан Раббибизни атын тутуп йыр да айтыгъыз чы, халкъланы арасында Ону ишлерин билдирип юрюгюз чю.
Нечик зор тавдур Башан тав! Кёп бийикликлери булангъы тавдур Башан тав!
Неге гюллей туруп къарагъансыз, гьей кёп бийикликлери булангъы тавлар, Сион тавгъа? Бу тавда Аллагь яшап турма сюер, мунда Раббибиз де даим яшап турар.
Сенсендир къудратлы къолунг булан Оьз халкъынгны, Якъубну, Юсупну наслуларын азат этген.
Асафны йыры. Аллагьым! Ят халкълар гелип токътадылар Сени топурагъынга, хорладылар сыйлы ибадатханангны, Ерусалимни де чёкген гьалгъа салып къойдулар.