Книга Псалтирь Cтих 12 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Псалтирь Ветхий Завет

Ветхий Завет

Бытие

Псалтирь

Притчи

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

← Предыдущая

Псалтирь

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150

Асафны уьйретивю. Неге гери уруп къойдунг даимге Сен бизин, Аллагьым? Къазапланывунг къабунуп йибердими бизге – отлавлукъларынгдагъы къойларынга Сени?

Эжжелден берли сайлап алгъан халкъынгны, Оьзюнгню варислигинг болсун учун, къазанып алгъан халкъынгны эсге ал чы Сен. Оьзюнде Сен ерлешген Сион тавну эсге ал чы.

Аякъларынгны юрют чю бютюнлей чёкген ерлеге багъып. Сыйлы ердеги бары затны бузуп токътагъан душман.

Сыйлы ерингде уьстюн болуп къычырып айланалар душманларынг Сени. Шонда уьстюнлюкню белгиси гьисапда оьзлени байракъларын къагъып токътагъанлар олар.

Агъачлыкъны къалынлыгъында балта булан ёл салагъан адамдай гёрсете эдилер оьзлени.

Шондагъы бары накъыш безендиривлени айбалталар, генг балталар булан бузуп токътадылар олар.

Яллатдылар сыйлы ерингни, мурдарладылар атынг къоюлгъан уьйню де.

Оьзлер оьзлеге: «Бютюнлей тозуп къоярбыз оланы», – деп де айтып, Аллагьгъа сужда этеген бары да ерлени яллатып къойдулар олар.

Муъжизатларыбызны гёрмей турабыз биз, пайхаммар да ёкъ гьали. Бу затлар къачан болгъунча юрюлюп туражагъын билеген адам да ёкъ бизин булан.

Къачан болгъунча душман мысгъыллап турар дагъы, Аллагьым? Даим яманлап турармы экен дагъы душманынг Сени атынгны?

Неге тербетмей турасан къолунгну, онг къолунгну да къолтукътюбюнге салып яшырып турасан?

Аллагьым, дюньяда къутгъарылыв этип турагъан инг аввалдан берлиги Пачам!

Параллельные места

Псалтирь 43:5

Аллагьым, мени Пачам! Шо Аллагьсандыр Сен гьали де. Уьстюнлюкню гёрсетип къой дагъы Оьз халкъынга.

Денгизни ярып къойдунг къудратынг булан Сен, Ливьятанны башларын тюшюрюп къойдунг Сен.

Ливьятанны башларын чачыратып дангылдагъы адамлагъа ашама берип къойдунг шону Сен.

Булакъны, агъымны ачып къойдунг Сен, гючлю оьзенлени де къурутуп къойдунг Сен.

Сеникидир гюндюз, гече де Сеникидир. Сенсендир юлдузлар булан гюнешни де онгарып къойгъан.

Сенсендир ер юзюню къырыйларын токъташдырып берген, яз булан къышны этген де Сенсендир.

Эсинге гелтирип къой чу: душман Раббибизни мысгъыллап тура, гьакъылсыз адамлар да Сени атынгны яманлап тура.

Гёгюрчюнюнгню жанын къыр жангъа берип къойма чы. Языкъланы жыйынларын гьар замангъа унутуп къойма чы.

Бизин булангъы разилешивюнге бир гёз къарат чы, неге тюгюл де зулмудан толуп къалды чы ер юзюню бары да тума къарангы ерлери.

Зулмулангъан биябур болуп къайтып къалмасын дагъы, пакъыр булан языкъ да макътавлукъ этип турсун дагъы атынга.

Гел чи, Аллагьым, Оьзюнгню ишингни якъла чы. Сав гюнлер булан гьакъылсызлар уьстюнгден кюлеп турагъанны эсингде сакълап тур чу!

Душманларынгны къычырагъанын унутуп къойма дагъы. Сагъа къаршы баш гётерегенлени къавгъасы да токътавсуз гётерилип тура.

← Предыдущая

Псалтирь

Выбор основного перевода