Сизсиздир, яманлар, ярлыланы хыялларын бузуп турагъан, амма Раббибиздир оланы аркъатаяву.
Не кёп гьайран ишлер этип къойдунг дагъы Сен, Раббим, Аллагьым мени. Нечакъы ойлашгъанынг бар дагъы бизин гьакъыбызда Сени. Гьеч бирев тенг гелип болмас дагъы Сагъа! Шоланы гьакъында билдирип, хабарлап юрюген бусам да, санап битдирип болмас эдим шоланы барысын да.
Кёплеге ажайыпгъа къалып тураман мен, амма Сенсендир къатты аркъатаявум мени.
Оьлмесмен, яшап къаларман, Раббимни ишлерин билдирип де турарман мен.
Насиплилердир юреги тазалар! Олар Аллагьны гёрежекдир.
Аллагьгъа ювукълашыгъыз, О да сизге ювукълашар. Гьей гюнагьлылар, къолларыгъызны жувугъуз! Гьей экиюзлюлер, юреклеригизни тазалагъыз!
Таза юрекли ва имандан толу кюйде, яман намусдан чайылгъан юреклерибиз ва таза сув булан чайылгъан къаркъараларыбыз булан Аллагьгъа ювукълашайыкъ чы.