Раббибизге аманат этип къой къайгъыларынгны, Ол да якълап турар сени. Бир заманда да бюдюреме къоймас Ол муъминни.
Гьайран адилли ишлеринг булан жавапланасан бизге Сен, Аллагьым, Къутгъарывчубуз бизин, гьатта дюньяны бары да янларыны да, денгизлерде йыракъларда къалып турагъанланы да умуту!
Торгъа тюшюрдюнг Сен бизин, авур намус да салдынг Сен бизге.
Бизин гьарибизге Месигьни чомартлыгъына къыйышывлу болуп савгъат берилди.
Муна шо саялы Сыйлы Язывларда булай язылгъан: О оьрлюклеге гётерилди, есирлени Оьзю булан алып юрюдю ва инсанлагъа савгъатлар берди.
«Гётерилди» демек О дюньягъа тюшген болгъан демекни де англата.
Тёбен тюшген ва Оьзю булан бары да затланы толу этмек учун, кёклерден оьрге гётерилген Биревдюр.
О бирлерине элчилер, бирлерине пайхаммарлар, башгъаларына Сююнч Хабарны билдиривчюлер, бирдагъыларына Оьзюню халкъыны гьайын этивчюлер, оьзгелерине устазлар болмакъны савгъат этди.
Аллагь оланы барын да Оьзюню халкъы Месигьни къаркъарасын беклешдиривге къуллукъ этсин учун берди. Олар бизге иманда, Аллагьны Уланын танымакъда барыбыз да бир йимик даражагъа етишгинче, барыбыз да токъташгъан адамлар болгъунча ва бютюн яшавубуз Месигьни толу камиллигине етгенче кёмек эте.