Эшит дагъы, Раббим, мени сёзлеримни, мени ойларымны да англа дагъы.
Аллагьым! Эшит дуамны мени, авзумдан чыгъагъан сёзлеге де къулакъ ас.
Эшит, Аллагьым, дуамны мени, тилевлеримни де эшитмей къойма Сен.
Къулакъ ас, жавап бер магъа. Къайгъылар басып, агь ураман мен. Душманымны тавушундан, къылыкъсызны къыйыкъсытывундан абдырап да тураман мен. Неге тюгюл де, жинаятчы ишлерин бакъдыралар магъа багъып, къазапланып йиберип, душман да туталар мени.
Эшит чи, Раббим, дуамны, ялбарыв тавушума да къулакъ ас чы Сен.
Къулакъ асып къой чу агь урувума мени, неге тюгюл де бек гьалсыз болуп тураман мен; мени гьызарлап юрюйгенлерден азат этип къой чу мени, неге тюгюл де гючлюдюр олар менден.