Книга Псалтирь Cтих 3 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Псалтирь Ветхий Завет

Ветхий Завет

Бытие

Псалтирь

Притчи

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

← Предыдущая

Псалтирь

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150

Давутну йыры. Гюнчюлюк этме яманлагъа, жинаятчылыкъ этегенлени де гюллеп айланма.

Неге тюгюл де, отдай орулуп къалажакъ, яшыллыкъдай сёнюп де къалажакъ олар.

Умут эт Раббибизге, яхшылыкъ да эт; яшап тур топуракъда, гьакъ гертиликни де сакълап тур.

Параллельные места

Псалтирь 61:9

Псалтирь 83:13

Гьей халкъ! Умут этип туругъуз Огъар гьар заманда да, ачыгъыз Ону алдында юреклеригизни. Аркъатаявдур Аллагь бизге. Къудратланы Раббиси! Насиплидир Сагъа умут этеген инсан!

Раббибиз сююнчюнг болуп къалсын дагъы сени, Ол да юрегинг сюеген затны яшавгъа чыгъарып къояр.

Аманат этип къой ёлунгну Раббибизге, умут эт Огъар, Ол да Оьз ишин гёрер.

Сени муъминлигингни ярыкъдай, сени адиллигингни де гюнортадай чыгъарып къояр.

Чыдамлы кюйде токътап, Раббибизге умут этип тур. Ишинде уьстюн чыкъгъанлагъа да, яман хыяллы адамлагъа да гюнчюлюк этме.

Таман ачувлангъанынг, къазапланывунгну да къой. Ачувланып турма, янгыз яманлыкъгъа гелтирип къояр шо.

Неге тюгюл де, къуваланып къалар яманлыкъ этегенлер, Раббибизге умут этегенлер буса топуракъгъа варис болуп токътар.

Бираз токътап турсанг, ёкъ болуп къалар къылыкъсыз. Къылыкъсыз бар ерге багъып къарасанг, болмагъандай болуп да къалар ол.

Юваш хасиятлылар буса топуракъгъа варис болуп къалар, дюньяны ниъматларындан да къанып къалар.

Яман хыял этип айланар къылыкъсыз муъминге къаршы, тишлерин къыжыратар огъар.

Раббибиз буса кюлеп къояр къылыкъсызны уьстюнден, неге тюгюл де болжалы етише турагъанын биле.

Ярлыны, пакъырны йыкъмакъ учун, тюз ёл булан юрюйгенлени оьлтюрмек учун, къылычларын сувуруп, окъларын да тартып токътагъанлар къылыкъсызлар.

Оьзлени юрегине гирип къалар оланы къылычы, окълары да дагъылып къалар оланы.

Кёп къылыкъсызланы байлыгъындан да яхшыдыр муъминни аз заты да.

Неге тюгюл де, дагъылып къалар къылыкъсызланы гючю-къуваты, муъминлени буса Раббибиз беклешдирип турар.

Гьар гюн де айыпсызланы гьайындадыр Раббибиз, варислиги де болуп турар гьар даим де оланы.

Илыгъагъан гьалгъа тюшмес къагьрулу заманларда олар, ач гюнлерде де токъ турар олар.

Къылыкъсызлар буса къырылып къалар. Раббибизни душманлары да отлавлукъдагъы язбашгъы отдай ёкъ болуп къалар, тютюнню ичинде ёкъ болуп къалар.

Къылыкъсыз борчгъа да алып, къайтармай къояр; муъмин буса чомарт кюйде берип турар.

Неге тюгюл де, Аллагь шабагьатлагъанлардыр топуракъгъа варис болуп токътайгъанлар, Ол налатлагъанлар буса къуваланып къалар.

Инсанны ёлундан сююнюп турар Раббибиз, абатларын да беклешдирип турар ону. Раббибиздир адамны аягъын басдырагъан, ону ёлуна да яхшы гёзден къарар Ол.

Сюрюнгенде де йыгъылмай къалар ол, неге тюгюл де Раббибиздир ону къолундан тутуп турагъан.

Жагьил эдим мен, къарт болуп битдим, амма ташланып къалгъан муъминни чи, ону аш тилейген наслуларын чы гёрмегенмен мен.

Гьар гюн рагьму этип, борчгъа берип турар ол, наслусу да шабагьатлы болуп къалар ону.

Баш къачыр яманлыкъдан, яхшылыкъ да этип тур; гьаман да яшап къаларсан топуракъда.

Неге тюгюл де, адилликни сюер Раббибиз, Оьзюню халкъын да къоюп къоймас Ол. Гьаман да сакъланып къалар олар, къылыкъсызланы наслулары да къуваланып къалар.

Топуракъгъа варис болуп къалар муъминлер, гьаман да яшап турар шонда олар.

Терен гьакъыл чыгъар муъминни авзундан, гертини сёйлер тили де ону.

Аллагьыны Къануну юрегиндедир ону, гьеч къартылламас дагъы аякълары да ону.

Муъминни яшыртгъын къаравуллап токътап, ону оьлтюрмек учун излеп айланар къылыкъсыз.

Амма ону къолуна бермес дагъы Раббибиз муъминни; дувангъа тюшгенде де, айыплама къоймас дагъы ону.

Умут эт Раббибизге, Ону ёлун да тутгъан кююнгде тур. Топуракъгъа варис болсун деп, гётерип къояр Ол сени; къылыкъсызлар къуваланагъанын да гёрюп турарсан сен.

Къоркъунчлу, тамур да ташлап, базыкъ болуп барагъан кёп бутакълы терекге ошап къалгъан къылыкъсызны гёрген эдим мен.

Амма оьтюп гетди ол, мунагьана, ёкъ ол. Излеймен ону, тек табып болмайман.

Айыпсызгъа тергев эт, тюз юреклиге де къара, неге тюгюл де гележеги болар ярашывлукъну сюеген адамны.

Жинаятчылар буса дагъылып къалар бары да, къылыкъсызланы гележеги де къырылып къалар.

Раббибиздендир муъминлеге къутгъарылыв гелегени, къайгъылы гюнюнде якълавдур Ол олагъа.

Кёмек этер Раббибиз олагъа, азат да этер оланы. Къылыкъсызлардан азат этер оланы, къутгъарма да къутгъарар оланы, неге тюгюл де Огъардыр аркъатаяйгъан олар.

← Предыдущая

Псалтирь

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150

Выбор основного перевода