Къылыкъсыз борчгъа да алып, къайтармай къояр; муъмин буса чомарт кюйде берип турар.
Насиплидир чомарт, кёп сююп борчгъа акъча береген, оьзюню ишлерин адилли кюйде юрютеген инсан.
Чомарт кюйде савгъатлар берип турар пакъырлагъа ол; муъминлиги де бардыр гьар даимге де ону; гючлю де, макътавлу да болуп къалар ол.
Неге тюгюл де, Олдур къапуларынгны тогъасларын бек этеген, халкъынга шабагьат этеген де сени ичингде.
Эгер сенден бирев бир зат тилесе, бер. Сенден борчгъа алма сюегенден де юзюнгню бурма.
Эгер янгыз къайтарып алмагъа умут булан борчгъа бере бусагъыз, ону учун неге макътав къаравуллайсыз? Неге тюгюл де, берген чакъысын къайтарып алмакъ учун, гюнагьлылар да гюнагьлылагъа борчгъа берелер.
Сиз буса шолай этмегиз. Сиз оьзюгюзню душманларыгъызны сююгюз, олагъа кёмек этигиз ва къайтарар деп умутламай, борчгъа беригиз. Сизге шо заман Аллагь разилигин гёрсетежек ва сиз Аллагьу-Тааланы авлетлери болажакъсыз, неге тюгюл О яхшылыкъны билмейгенлеге де, яманлагъа да бир йимик яхшыдыр.