Жагьиллигимдеги гюнагьларымны да, айыпларымны да эсге алып къойма дагъы; зор сюювюнг булан эсге ал дагъы мени Сен, Сендеги яхшылыкъны хатиринден, Раббим!
Оьзю булангъы разилешивню, Оьзюню буйрукъларын кютегенлеге Раббибизни бары да ёллары зор сюювдюр, аминликдир.
Янгыз бир затны тиледим мен Раббимден, яшавумну бары гюнлерин Раббимни уьюнде оьтгермек учун, Раббимни гёзеллигине къарап турмакъ учун, Ону ибадатханасында ойгъа батмакъ учун – янгыз шо затланы излеп айланаман мен.
Неге тюгюл де, балагь гелген гюн чатырында яшырып сакълар Ол мени, Оьзю турагъан ерни инг де сырлы еринде яшырып къояр мени, яргъа гётерип къояр мени.
Шо заман мени аралап токътагъан душманларымны арасында уьстюн чыгъып токътарман; Раббимни сыйлы чатырында гьатдан озуп макътавлар этип юрюрмен, Ону алдында йырлап, макътап йырлап юрюрмен.