Зор уллу уьстюнлюклер алдырып турасан Сен пачагъа, танглагъанынг Давутгъа да, ону наслусуна да гьар даим де зор сюювюнгню гёрсетип турасан Сен.
Гертини сююп къойдунг сен, пачабыз, жинаятчылыкъны буса гёрюп ярамадынг. Шо саялы да, Аллагьым, сени Аллагьынг, оьзгелерден айырып йиберип, сююнчню зайтун майын сюртдю сагъа.
Муна, ёлугъуп йиберип пачалар, бирче шагьаргъа багъып гелдилер бары да.
Гёрюп, гьайран болуп, адашып къалып, къачмагъа гиришдилер.
Къатынгишини яш табагъандагъы азабы йимик, гюнтувуш ел булан зор гемелени дагъытып къоягъанда йимик, къоркъунчлукъ къуршап алды оланы шонда.
Эсинге гелтирип къой чу: душман Раббибизни мысгъыллап тура, гьакъылсыз адамлар да Сени атынгны яманлап тура.
Душманларынгны къычырагъанын унутуп къойма дагъы. Сагъа къаршы баш гётерегенлени къавгъасы да токътавсуз гётерилип тура.
Фарисейлер буса, къыргъа чыгъып, Исаны оьлтюрмек учун, Огъар къаршы бир питне къуралар.
Шо заман Кайафа деген дин къуллукъчуланы башчысыны абзарында баш дин къуллукъчулар ва халкъны тамазалары жыйылалар.
Олар Исаны гьилла булан тутуп оьлтюрмеге сёйлешелер.
Иса сёйлеп турагъанда, он эки якъчысыны бириси болгъан Ягьуда геле. Ону булан бирче баш дин къуллукъчулар ва халкъны тамазалары йиберген бир хыйлы адамлар гелелер. Олар къылычлары ва таякълары булан савутлангъан.
Исаны тутгъанлар Ону дин къуллукъчуланы башчысы Кайафаны янына элтелер. Онда дин алимлер булан тамазалар да жыйылгъан болгъанлар.
Баш дин къуллукъчулар ва бютюн ягьудилени оьр мажлиси буса, Исаны оьлтюрмек учун, Огъар къаршы ялгъан шагьатлар ахтарып айланалар.
Кёплер ялгъан шагьатлыкъ этсе де, Ону айыбын тапмайлар. Ахырда да эки ялгъан шагьат гелип, булай дей:
– Бу Адам: «Мен Аллагьны ибадатханасын дагъытып, уьч гюнден къайтарып къуруп боламан», – дей эди.
Дин къуллукъчуланы башчысы туруп, Исагъа: – Неге бир жавап да бермейсен? Буланы Сагъа айтагъанларына къаршы айтмагъа затынг ёкъму? – дей.
Амма Иса сёйлемей. Шо заман дин къуллукъчуланы башчысы Огъар: – Герти Аллагьны атын тутуп ант эт. Айт бизге: Аллагьны Уланы, Месигь Сенмисен? – деп сорай.
Иса огъар булай жавап бере: – Оьзюнг айтып бердинг чи. Ондан къайры да айтайым сизге: энниден сонг Инсанны Уланын бары да затгъа гючю етеген Аллагьны онг ягъында олтуруп, кёкню булутларыны уьстюнде гелегенин гёрежексиз.
Шо заман дин къуллукъчуланы башчысы, уьст опуракъларын йыртып йиберип: – Бу Аллагьгъа къаршы капир затланы сёйлей! Бизге дагъы шагьатлар негер тарыкъдыр? Муна гьали эшитдигиз чи сиз Муну Аллагьгъа къаршы капир затланы сёйлейгенин!
Сиз нечик ойлашасыз? – деп къычыра. – Гюнагьлы. Оьлтюрюлме герек, – деп жавап берелер олар.
Эртен болгъанда, бары да баш дин къуллукъчулар ва халкъны тамазалары жыйылып, Исаны нечик оьлтюрмеге болагъанны арагъа салып ойлашалар.
Байлап, элтип Ону Пилат деген гьакимге тапшуралар.
Иса Пилат гьакимни алдында токътай. Пилат Огъар: – Сен ягьудилени пачасымысан? – деп сорай. – Оьзюнг айтып бердинг чи! – деп жавап бере Иса огъар.
Баш дин къуллукъчулар ва тамазалар айыплайгъан заманда, Иса бир жавап да бермей.
Шонда Пилат Огъар: – Сагъа къаршы нечакъы шагьат барны эшитемисен? – деп сорай.
Иса ону бир сёзюне де жавап бермей. Гьаким буса бек тамашалыкъ этип къала.
Фарисейлер къыргъа чыгъып, шоссагьат Гьиродну якъчылары булан Исаны оьлтюрмек учун, Огъар къаршы бир питне къурмагъа башлайлар.
Баш дин къуллукъчулар ва дин алимлер шону эшитгенде, Исаны оьлтюрмек учун, бир ёл излемеге башлайлар. Олар Исадан къоркъа болгъанлар. Неге тюгюл де, бютюн халкъ О уьйретеген затлагъа гьайран болуп тынглай болгъан.
Дин алимлер булан фарисейлер буса ачувундан бирден-бир къазаплана ва Исагъа не этме герек деп оьз арасында сёйлешелер.
Башлап агъасы Петерни табып, огъар: – Биз Месигьни (бу «Аллагьны Танглагъаны» демекдир) тапдыкъ, – дей.
Сиз буса гьали Мени, Аллагьдан эшитген гьакъ гертини сизге сёйлейген Адамны, оьлтюрмеге сюесиз. Ибрагьим шолай этмеди!