«Пакъырлагъа этилеген зулму учун да, ярлыланы агь уруву учун да гьали гелип йиберип, оьзлер гьасирет болгъан аманлыкъгъа чыгъарарман», – дер Раббибиз.
Янгызланы уьйге гийирер Аллагь, туснакъланы эркинликге чыгъарар Ол. Енгилмейгенлер буса къургъакъ топуракъда къалып къалар.
Раббибиздир бары хатири къалгъанлагъа тюзлюкню болдурагъан да, адиллик этеген де.
Оьзлеге заманында Сен рызкъысын берсин деп, бары да Сени къаравуллап токътагъанлар.
Неге тюгюл де, Олдур янып турагъан жанны сувсаплыгъын басдыртгъан, ач къалып турагъан жанны тюрлю ниъматлардан тойдуртгъан да.
Къайгъылагъа, темирлеге бугъавланып, къарангылыкъда, тун къарангылыкъда олтуруп турдулар олар.