Раббим! Душманларым гёрсюн учун, мени гьакъ герти ёлунг булан алып юрюп тур дагъы; алдымда Оьзюнгню ёлунгну тюз эт дагъы.
Уьйрет дагъы, Раббим, Оьзюнгню ёлунга, душманларымны хатири учун тюз сокъмакъгъа да сал мени.
Ёлунга сал чы, Раббим, мени, мен де Сени гьакъ гертилигинг булан юрюп турарман. Алдынгда къоркъув булан яшап турмакъ учун, бютюнлей Сагъа амин болгъан юрек бер чи магъа.
Танг булан зор сюювюнгню эшитмекни берип къой чу Сен, неге тюгюл де Сагъадыр аркъатаяйгъаным мен. Магъа юрюме тюшеген ёлну гёрсетип къой чу Сен, неге тюгюл де Сагъа депдир жанымны оьрге гётерегеним мен.
Сен сюйгенни этме уьйретип къой чу мени, неге тюгюл де Сенсендир Аллагьым мени. Сени рагьмулу Ругьунг тюз ёлдан юрютюп турсун дагъы мени.
Раббибиз намуссузну тутгъан ёлундан жиргенер, герти ёлну тутгъанланы буса О сюер.