Олар гьайван-малын ва Гьананда жыйгъан бары мал-матагьын да алып баралар. Шолай Якъуб бютюн наслусу булан Мисриге гете.
Оьзюне пача айтгъан кюйде, Юсуп атасын, агъаларын ва инисин Мисрини инг тизив еринде, Рагьамасес вилаятында ерлешдире ва олагъа шондан топуракъ бере.
Якъуб Мисриге гёчген. О ва ата-бабаларыбыз онда оьлгенлер.
Исрайылны халкъыны Аллагьы бизин ата-бабаларыбызны сайлагъан. Мисри топурагъында яшайгъан заманында, оланы кёп санавлу халкъгъа айландырып, Оьзюню уллу къудраты булан шо уьлкеден чыгъаргъан.