Книга Притчи Cтих 20 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Притчи Ветхий Завет

Ветхий Завет

Бытие

Псалтирь

Притчи

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

← Предыдущая

Притчи

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31

Балам! Гишини борчу саялы жаваплыкъны оьзюнгню бойнунга алып къойма. Эгер де гиши борчун къайтарып болмай буса, сен де шо борчну къайтарма сёз берген бусанг, гишини борчу саялы жаваплыкъны да оьзюнгню бойнунга алгъан бусанг,

сен тутулгъангъа гьисаплы боларсан, сёзлеринг сени тузакъгъа салгъан болар.

Сен башгъаны табилигине тюшген боларсан. Шо саялы да не этип бола бусанг да эт, тобукъдан тур, ялбар.

Гёзлерингни юмма, кирпик де къакъма.

Шо тузакъдан къутулма къара, гьавчудан къачып барагъан къубагийикдей къач, тузакъгъа тюшген къуш къутулма къарайгъандай къутулма къара.

Эринчек! Къомурсгъаны гьаракатына къарап, гьакъылгъа уьйрен.

Ону не гьакими, не жаллаты, не пачасы ёкъдур.

Амма о язданокъ ашлыкъ жыйма башлар, язда азыгъын жыяр.

Къачан болгъунча сен, эринчек, юхлап турарсан? Къачан сен юхунгдан уянарсан?

Бираз дагъы да юхласанг, бираз дагъы да къалгъысанг, бираз дагъы да къолларынгны да салып олтуруп турсанг,

шо заман сени янынга, саякъ гелегенде йимик, ярлылыкъ гелип къалар, талавурчу гелегенде йимик, тарчыкълыкъ гелип къалар.

Яман, намуссуз адам ялгъан айтып юрюр.

О гёзлерин ойнатар, аякъларын къагъар, ишаралар этер.

Ону юрегинде яман хыяллар болар, о даим питне салма белсенип айланар.

Амма о такъсырланар, огъар бирден балагь гелер, аз заманны ичинде о болмагъандай болуп къалар, бирев де огъар кёмек этмес.

Раббибиз алты затны гёрюп ярамайдыр, пислик де Ону учун еттинчисидир:

оьктем къаравну, ялгъан тилни, айыпсызны къанын тёгеген къолланы,

намарт хыяллы юрекни, зулму этме алгъасайгъан аякъланы,

къардашланы арасына питне салагъан ялгъан шагьатны.

Балам! Атангны буйрукъларын унутуп къойма, анангны насигьатларын гери урма.

Параллельные места

Притчи 1:8

Притчи 7:1

Балам, атангны насигьатына тынгла, анангны да тапшурувун гери урма; Балам! Мени сёзлеримни эсингде сакъла, насигьатларымны да унутма.

Шоланы даим де юрегингде сакълап тур, тагъымчакъ йимик бойнунга тагъып айлан.

Юрюйгенде шолар сагъа ёлбашчылыкъ этер, юхлама ятгъанда сени къоруп сакълар, уянгъанда сени булан лакъыр этер.

Неге тюгюл де, буйрукъ чыракъ йимикдир, насигьат ярыкъ йимикдир, уьйретивлер яшавда ёл гёрсетер.

Шолар сени тарыкъсыз къатынгишиден, гишини къатыныны яревке тилинден сакълар.

Ону аривлюгюн юрегинге алып къойма, гёзлерини къуймурлугъуна алданып къалма.

Неге тюгюл де, саякъ къатынгъа аш гесек берип къутулар бусанг, гишини къатыны саялы жанынгны къурбан этерсен.

Гьеч бирев сама къойнуна ялынны салып сакълап болармы? Ону опурагъы яллап къалмасмы?

Гьеч бирев сама кесевлени уьстюнден юрюп болармы? Ону аякълары бишип къалмасмы?

Гишини къатынына гёз салгъан, огъар ювукълукъ этген адам булан да тап шо кюйде болар, о такъсырсыз къалмас.

Ашамакъ учун, ачындан урлагъан уручудан да гечилмес.

Амма тутулгъанда чы етти къабат къайтарышын этер, уьюндеги бары байлыгъын берер.

Саякъ къатын булан къыдырагъан адамны башында гьакъылы болмас; о оьз-оьзюне къую къазар.

Ону токъалавлар, хорлавлар, биябурлукъ къаравуллар.

Неге тюгюл де, гюнчюлюк ону эрин къазапландырар, о да гюн етгенде оьч алма гьеч къызгъанмас,

Бир тёлев гьакъны да къабул этмес, нечакъы артдыра турсанг да, бир савгъатгъа да рази болмас.

← Предыдущая

Притчи

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31

Выбор основного перевода