Книга Притчи Cтих 24 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Притчи Ветхий Завет

Ветхий Завет

Бытие

Псалтирь

Притчи

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

← Предыдущая

Притчи

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31

Балаларым, атагъызны насигьатына тынглагъыз, къулакъ асыгъыз, гьакъыл топлагъыз.

Неге тюгюл де, мен сизин яхшылыкъгъа уьйретдим чи дагъы. Мени буйругъумну тергевсюз къоймагъыз.

Неге тюгюл де, мен де атамны уланы эдим, анамны да мен гёрюп тоюп болмасдай сююмлюсю эдим.

Атам мени булай уьйрете эди: «Мени бары да сёзлеримни эсингде сакълап къой, мени буйрукъларымны кютсенг – яшап къаларсан.

Гьакъыл жый, билим жый, мен айтгъан затланы да унутма, гери урма.

Гьакъылны ташлап къойма, о да сени къоруп сакълар; ону сюй, о да сени аяп сакълар».

Инг де аслусу – гьакъылдыр: гьакъыл жый, бары барлыгъынг булан да англав жый.

Гьакъылны къыйматын бил, о сени оьр этер; эгер де оьзю булан ювукъ болсанг, о да сени макътавлу этер.

Сени башынга бир арив байлам салар, сагъа бек тизив таж гийдирер.

Тынгла, балам, мени сёзлеримни де къабул эт, шо заман сени де оьмюрюнг узакъ болар.

Мен сагъа гьакъылны ёлун гёрсетемен, сени тюз ёллардан юрютемен.

Шо ёл булан юрюйгенде абатынгны инамлы аларсан, чабагъанда да сюрюнмессен.

Даим де мени насигьатларымны эсингде сакълап тур, оланы унутма, оланы ая, неге тюгюл де олар сени яшавунгдур.

Яманланы сокъмагъына тюшме, ачувлуланы ёллары булан да юрюме.

Шо ёлланы къой, шолардан юрюме, башгъа якъгъа багъып бурул, иннемей къырыйындан оьтюп къал.

Неге тюгюл де, олар бир яманлыкъ этмей туруп, гёз юммас; биревню йыкъмай туруп оланы юхусу гелмес.

Неге тюгюл де, олар яманлыкъны экмек йимик ашар, зулмуну чагъыр йимик ичер.

Гьалалланы сокъмагъы тангда баргъан сайын артагъан шавлагъа ошар.

Яманланы ёлу буса къарангылыкъгъа ошар; олар не затгъа сюрюнежегин де билмес.

Балам! Мени сёзлериме тергев бер, айтагъанларыма да къулакъ ас.

Сени гёз алдынгдан таймасын дагъы шолар; шоланы юрегингде сакълап тур:

неге тюгюл де олар оьзлени тапгъанлагъа яшав берер, бютюн къаркъарасына да савлукъ гелтирер.

Бары да байлыкълардан да артыкъ юрегингни ая, неге тюгюл де яшав ондан баш аладыр.

Ялгъанны гери ур, макюрчюлюкню де оьзюнгден ари тебер.

Параллельные места

Притчи 6:12

Притчи 19:1

Яман, намуссуз адам ялгъан айтып юрюр. Ялгъанчы болуп байлыкъда яшагъанча, гьалал кюйде ярлылыкъда яшагъан къолайдыр.

Гёзлеринг тувра къарасын, къаравунг да алгъа бакъсын.

Сокъмагъынгны тюз сал – сени бары ёлларынг къоркъунчсуз болар.

Не онггъа, не солгъа тайышма, яманлыкъдан ари тай.

← Предыдущая

Притчи

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31

Выбор основного перевода