Книга Притчи Cтих 7 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Притчи Ветхий Завет

Ветхий Завет

Бытие

Псалтирь

Притчи

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

← Предыдущая

Притчи

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31

Артындан чабагъан бирев де ёкъ буса да, намуссуз къачар, гьалал адам буса арсландай игит болар.

Уьлкеде пакарсызлыкъ бар заман гьакимлер кёп болар, англавлу, билимли адам баш болса, о узакъгъа барар.

Касиплеге зулму этеген пакъыр да бирдир, ашлыкъланы сув алдырып явагъан янгур да бирдир.

Къанунну гери уруп юрюйгенлер намуссузланы макътар, къанунгъа гёре юрюйгенлер олагъа къаршы иш гёрер.

Яман адамлар адиллик не зат экенни англамас, Раббибизни ахтарагъанлар буса бары затны англар.

Терс ёлгъа тюшюп бай болмакъдан гьалаллыкъда яшап ярлы болгъан къолайдыр.

Англавлу адам къанунну ёлун тутар, бузукълар булан юрюйгенлер буса атасын биябур этип токътар.

Параллельные места

Притчи 23:20

Притчи 29:3

Чагъыр ичегенлер булан да, танавларындан гелгенче эт ашайгъанлар булан да иш тутма. Гьакъылны сюеген адам атасын къувандырар, саякъ къатынлар булан аралыкъ тутгъан адам мюлкюн пуч этер.

Хайыргъа акъча берип бай болгъан адамны жыйгъаны пакъырлагъа рагьмулу болгъанлагъа тюшер.

Аллагь къанунгъа тынгламагъа сюймейгенлени дуасын да гёрюп ярамас.

Гьалал адамланы алдатып терс ёллагъа салагъан адам оьзю тузакъгъа тюшер, таза адамлар буса рагьмулукъгъа ес болар.

Бай адам оьз-оьзюн гьакъыллыман деп гьисаплар, гьакъылы булангъы ярлы буса ону юзюн ачар.

Гьалал адамлар сююнегенде айлананы къуванчлыкъ къуршар, амма намуссузлар гётерилегенде адамлар яшынар.

Жинаятчы ишлерин яшырагъанланы иши тюзелмес; мюкюр де болуп, шолай ишлени къойгъан гишини айыбы буса чайылар.

Раббибизден даим къоркъуп яшайгъан адам насиплидир, Аллагьгъа тынгламайгъан адам буса балагьгъа тарыр.

Яр салып акъырагъан арслан да, ач къалгъан аюв да бирдир, азиз халкъны башын тутгъан намуссуз пача да бирдир.

Англавсуз гьаким кёп зулму этер, сутурлукъну гёрюп ярамайгъаны буса узакъ башчылыкъ этер.

Биревню къаны тёгюлгенге айыплы болгъан адам, оьзюн бирев тутуп къоймасын деп, оьлгенче къачып айланар.

Таза юрюйген адам сав-саламат къалар, терс ёллардан юрюйгени буса йыгъылар.

Топуракъгъа къуллукъ этген токъ болар, кеп чегегенлеге ошама къарайгъанланы буса ярлылыкъ басар.

Герти адам яхшылыкълар булан бай болар, бай болма алгъасайгъан буса такъсырсыз къалмас.

Биле-биле туруп адилсизлик этмек яхшы болмас; шолай адам аш гесекге де тюзсюзлюк этер.

Гюллейген адам бай болма алгъасар, пакъырлыкъгъа тарып къалажагъы гьакъда буса ойлашмас.

Яревке сёзлер айтгъанча, айыбын гёрсетип сёйлесенг, артда баракалла къазанарсан.

Атасыныкин де, анасыныкин де урлап: «Мунда гюнагь зат ёкъ», – деп айтагъан гиши талавурчуланы ёлдашыдыр.

Хохабаз адам эришивлюк тувдурар, Раббибизге умут этегени буса леззет алар.

Янгыз оьзюне умут этеген авлиядыр, гьакъылын тутуп юрюйген буса балагьдан къутгъарылып къалар.

Пакъыргъа береген адам ярлы болмас, огъар гёз бакъдырмайгъаны буса налатланып къалар.

Намуссузлар оьр болгъанда адамлар яшынар, олар тюп болгъанда буса гьалал адамланы санаву артар.

← Предыдущая

Притчи

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31

Выбор основного перевода