Книга Притчи Cтих 2 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Притчи Ветхий Завет

Ветхий Завет

Бытие

Псалтирь

Притчи

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

← Предыдущая

Притчи

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31

Яхшы ат къазанмакъ бары байлыкъдан яхшыдыр, адамланы гьюрметин къазанмакъ да алтын-гюмюшден де сыйлыдыр.

Байны да, ярлыны да бир-бирине ошатагъан недир? Оланы экевюн де Раббибиз яратгъандыр.

Параллельные места

Притчи 29:13

Пакъырны да, рушбатчыны да бир-бирине ошатагъан недир? Оланы экевюне де яшав берген Раббибиздир.

Гьакъыллы балагьны гёрюп, яшынып токътар, сынавсузлар буса тувра уьстюне багъып юрюп, къапас ашар.

Раббибизден къоркъувну да, байлыкъны да, абурну да, яшавну да саламатлыкъ гелтирер.

Макюрчюню ёлунда тегенек де, тузакъ да къаршылашар, оьзюн аяйгъан адам шо ёл булан юрюмес.

Яшлыгъы тюзелген гиши даимге тюзелер.

Бай ярлыгъа башчылыкъ этер, борчгъа алгъан да борчгъа бергенни къулу болуп къалар.

Адилсизликни яйып айланагъан балагьгъа тарып къалар, ону къазапланыву да болмагъандай болуп къалар.

Пакъыргъа аш берген насипли болуп къалар.

Нажжасны оьзюнгден арек этсенг, татывсузлукъ да таяр, къалмагъал да, эришивлюк де битер.

Таза юрекли де, таза сёзлю де пачагъа ювукъ болар.

Раббибиз гьакъ гертини къоруп сакълар, хыянатчыны сёзлерин буса гери урар.

Эринчек: «Орамда арслан бар! Майданны къап ортасында мени паралап къояжакъ!» – деп турар.

Саякъ юрюшлю къатынны сёзю тюбю ёкъ къакъа йимикдир, Раббибизни къазапландыргъан адам шонда тюшюп гетер.

Яш авлиялыкъ этер, амма сен такъсырласанг, о эс тапмай къоймас.

Ярлыны къыйыны булан бай болагъан да, байгъа савгъат береген де ярлы болуп къалар.

Гьакъыллыланы сёзлерине къулакъ ас, тынгла; мени насигьатларыма да тергев бер:

шо сёзлени эсде сакъласанг, юрегинге балгьамдай болар, оьзю шо сёзлер де даим сени авзунгда болар;

янгыз Раббибизге аркъа таясын деп, мен сагъа насигьат этемен, сен де шону эсингде сакълап къой.

Сен гьакъ герти сёйлеп де билсин, сени йибергенлеге де гьакъ герти сёзлени етишдирип болсун деп, мен сагъа тюпдеги шу отуз айтывну яздым. Сен шоларда таклифлер де, англав да табарсан.

Ярлыланы талама, неге тюгюл де олар ярлыдыр, касипни де къапу алда хатирин къалдырма,

неге тюгюл де Раббибиз оланы якълар, оланы къыйнагъанланы оьзлени де къыйнар.

Ачувланагъан адам булан къурдаш болма, къарсалайгъан адам булан да айланма.

Шолай этмесенг, оланы ёлуна оьзюнг де тюшерсен, оьз-оьзюнге тузакъ да саларсан.

Биревню борчун бойнунга алма алгъасама.

Борчну къайтарып болмасанг чы, сени ятып турагъан тёшек-орнунгну да чыгъарып алып гетер.

Ата-бабаларынг токъташдыргъан дазуларынгны ари теберме.

Сен оьзюню ишин жигерли юрютегенни гёргенмисен? О къара халкъгъа тюгюл, пачалагъа къуллукъ этер.

← Предыдущая

Притчи

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31

Выбор основного перевода