Раббим мени ярымдыр, беклигимдир, мени азат этивчюмдюр. Аллагьым мени якълавумдур: Олдур мени аркъатаявум, Олдур мени къалкъаным, къутгъарылывумну къудратыдыр, къамалып токътайгъан еримдир.
Къайгъылы гюнлерингде эшитип турсун дагъы сени Раббибиз; Якъубну Аллагьыны аты да сакълап турсун дагъы сени.
Неге тюгюл де, аркъатаявумсандыр Сен мени, душманларыма да къаршы къатты якълавумсандыр.
Раббибизден къоркъмакъ – мекенли аркъа таявдур, сагъа да, сени авлетлеринге де сыйынмагъа ердир.
Адамлардан къоркъагъан тузакъгъа тюшер, Раббибизге аркъа таяйгъан буса аманлыкъда къалар.