Книга Притчи Cтих 30 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Притчи Ветхий Завет

Ветхий Завет

Бытие

Псалтирь

Притчи

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

← Предыдущая

Притчи

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31

Адам сёйлер, къадар кюлер.

Гьар ким оьзю тутгъан ёл таза деп гьисап этер, амма Раббибиз буса инсанланы сынап къарар.

«Аллагь!» – деген ач къалмас.

Раббибиз бары да затны белгили бир мурат булан яратгъандыр, гьатта яманланы да жазаламакъ учун яратгъандыр.

Раббибиз гьар уллу юреклиден жиргенер, шолай адам такъсыргъа тарылажакъгъа шеклик ёкъдур.

Яхшылыкъ да, герти де гюнагьдан чаяр, Раббибизден къоркъув да яманлыкъдан ари сакълар.

Раббибиз инсанны тутгъан ёлуна рази къалса, ону гьатта душманлары булан да ярашдырар.

Гьарам мал болмай, аз буса да гьалал мал болса яхшыдыр.

Инсан оьзюню ёлун танглар, амма алынагъан абатларыбызгъа Раббибиз инамлыкъ берер.

Пачаны авзундан чарлангъан сёзлер чыгъар, оьзюню гьукмусун чыгъарагъанда о хата йибермес.

Тюз мизанлар Раббибиздендир, мизан ташлар да Ондан геледир.

Намуссуз ишлер пачалар учун жиргенчдир, неге тюгюл де тахгъа герти ёл булан минме бажарыладыр.

Гертини сёйлейгенлер пачаны кепине гелер, о гьакъны сёйлейгенни де ушатар.

Пачаны къазапланыву Азрайыл малайик йимикдир, амма гьакъыллы адам ону рагьмуландырып болар.

Пача иржайып къарагъан адамны яшаву яхшы болар, ону рагьмусу да язбашгъы янгур йимикдир.

Алтын тапмакъдан гьакъыл тапмакъ яхшыдыр, сайламлы гюмюш тапмакъдан да англав тапмакъ къолайдыр.

Намуслу яманлыкъдан ари турар, сакъ айлангъан да оьзюн къоруп сакълар.

Оьктемликни артындан хорлукъ юрюр къыдырып, дагъытылывну башы да хохабазлыкъдыр.

Оьктемлер булан талангъан затны бёлюп яшагъанча, пакъырлар булан тарчыкълыкъда яшагъан къолайдыр.

Англавлу кюйде иш гёрген талайлыкъ табар, Раббибизге аркъа таягъан да насиплидир.

Гьакъыллы башы булангъы адам англавлу адам гьисапда танылар, татли сёз де артыкъ даражада мюкюр этер.

Англавлукъ яшав булагъыдыр, авлияланы илмусу буса авлиялыкъдыр.

Гьакъыллыны юреги ону гьакъыллы сёйлеме де борчлу этер, билимин де артдырар.

Татли сёз бал йимикдир, юрекге де балгьамдыр, сюеклеге де дармандыр.

Бир-бир ёллар тюз йимик де гёрюнер, амма ахырда олар ажжалгъа багъып гелтирер.

Ачлыкъ загьмат тёкме борчлу этер, неге тюгюл де ач къурсакъ рагьатлыкъ бермес.

Нажжас не тюрлю яманлыкъгъа да устадыр, ону авзундан да от-ялын чыгъар.

Макюрчю питне салар, тилчи де досланы айырар.

Яман хыяллы адам ювугъуну къылыгъын да бузар, терс ёлгъа да салар.

Гёзлерин къысып турагъан макюрчюлюк ойлашар, эринлерин хабып турагъан да яманлыкъ этер.

Параллельные места

Притчи 6:13

Притчи 10:10

О гёзлерин ойнатар, аякъларын къагъар, ишаралар этер. Гёзлерин ойнатагъан гьёкюнч гелтирер, агьмакъны тили буса балагь гелтирер.

Акъ гирген тюклер макътавлукъну тажыдыр, огъар янгыз гьалал адам етер.

Чыдамлы адам къоччакъдан къолайдыр, оьзюн елеп болагъан да шагьарны елевчюсюнден яхшыдыр.

Бир масъаланы чечмек учун, инсанлар чёп ташлар, амма гьукмуну Раббибиз чыгъарар.

← Предыдущая

Притчи

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31

Выбор основного перевода