Шо саялы Аллагьны гьакимлиги къулларындан борчларын къайтарып алмагъа сюйген бир пачагъа ошайдыр.
Шолай болгъанда, сен иман къардашынгны не учун айыплайсан дагъы? Яда сен иман къардашынга неге оьктем кюйде янашасан дагъы? Биз барыбыз да Аллагьны алдында токътажакъбыз чы.
Сыйлы Язывларда булай язылгъан: Оьзюмню барлыгъым булан ант этемен, – дей Раббибиз: гьар ким Мени алдымда тиз чёгежек ва гьар тилде Аллагьгъа макътавлар этилежек.
Демек, гьар бирибиз Аллагьны алдында оьзюбюз учун гьисап бережекбиз.
Неге тюгюл де, бизге барыбызгъа да Месигьни алдында дуванда токътамагъа тюшежек. Шо заман гьариси бу дюньядагъы къаркъараны ичинде яшагъанда этген яхшы ва яман ишлери учун тийишлисин алажакъ.