Амма гюнагьымны ачыкъ этдим мен Сагъа, яманлыгъымны да яшырмадым мен. «Жинаятчылыкъларыма мюкюр боламан Раббиме», – деп айтдым мен. Сен де айыбымдан тазалап, гюнагьымдан гечип къойдунг.
Сени излеп табып болагъан чакъы дуа этип турсун дагъы Сагъа гьар-бир иманлы да. Шо заман уллу ташгъынланы сувлары да къоркъунчлу болмас огъар.
Бизин гюнагьларыбыз саялы къурбан болсун деп, Аллагь Ону инсанланы янына йиберди. Огъар иман салгъанланы барыны да гюнагьлары гечилежек. Аллагь шону Оьзю адилли экенин гёрсетмек учун этди. Алда Аллагь этилген гюнагь ишлени узакъ чыдамлыкъда такъсырсыз къоюп тура эди.
Шо не демек бола? Аллагьны рагьмусу артсын учун, гюнагь ишлерибизни давам этме герекбизми?
Ондан таба биз – ят халкълар ва ягьудилер – бир Ругь булан Атабызгъа ювукълашмагъа болабыз.
Сизге деп Аллагьдан магъа нечик мол савгъат инанылып берилгенин сиз, озокъда, эшитгенсиз.
Булайлыкъда, гьей къардашларым, Исаны тёгюлген къаныны яхшылыгъындан биз гьали Инг Сыйлы Ерге тартынмайлы гирип гетмеге болабыз.