Ким болуп къалгъан инсан Сен оьзюн эсингде сакълап турар йимик? Ким болуп къалгъан шо инсан Сен даим оьзюню гьайын этип турар йимик?
Малайиклер булан тенглешдиргенде, Сен ону бираз тёбен салып къойдунг; макътав да, гьюрмет де булан ону савгъатладынг.
Оьз къолларынг булан яратгъан затланы уьстюне ону башчы этип салдынг; бары затны ону аякъ тюбюне салып къойдунг: бары да къойланы да, оьгюзлени де, шолай да авлакъдагъы къыр жанланы да, кёкдеги къушланы да, денгизлердеги балыкъланы да, денгизлердеги бары да жанлы затланы да.
Раббим! Сен оьзюн эс этер йимик, ким болуп къалгъан мисгин адам? Сен оьзюне тергев берер йимик, ким болуп къалгъан мисгин адам?