Книга Псалтирь Cтих 14 | Параллельные места

Шексіз сүйіспеншілігіңе бола,О, Құдай, маған рақым ете гөр,Мейіріміңнің молдығына болаҚылмыстарымды өшіріп тастай гөр. Жаратқан Ие тағы мынаны айтады: «Мен мейірім көрсететін кезімде саған жауап беремін, халқымды құтқаратын күнім келгенде сені қолдап-қорғап жүремін. Өзіңді халқым үшін Келісімімнің кепілі етіп белгілеймін. Осылай Мен мына уәдемді бекітемін: ойран болған Исраилдің жерін қалпына келтіріп, оны халқыма қайтадан үлестіріп беремін. Себебі Ол мынадай сөздерді айтқан: Мен мейірім көрсететін кезімде саған құлақ салдым, халқымды құтқаратын күнім келгенде сені қамқорладым. Тыңдаңдар: Оның мейірім көрсететін кезі осы, құтқаратын күні, міне, бүгін!

«Батпақтан» мені тартып шығара көрші,«Тұңғиыққа» батуыма жол бермеші,Жек көретін дұшпандардан құтқаршы,«Терең сулардан» Мені тартып шығаршы.

Жол берме тасқынның ағызып әкетуіне,Терең судың мені жұтып жіберуіне,Ажал шыңырауының жалмап қоюына.

Уа, Жаратқан Ие, дұғама құлақ түрші,Берік мейірімің Сенің сондай игі,Мол рақымыңа сай маған көңіл бөлші.

Мендей пендеңнен бетіңді жасырмашы,Қасірет шегудемін, тез жауап берші.

Жақындап келіп, жанымды құтқаршы,Жауларыма бола босата көрші.

Сен білесің қандай қорлық көргенімді,Ұятқа қалып, жапа шеккенімді,Көріп алдың бар дұшпандарымды.

Мазақтары жүрегімді күйретіп, әлсізбін,Бекерге жұрттан аяныш күттім,Ешбір жұбатушыны кездестірмедім.

Қайта, тамағыма олар өт қосып берді,Шөлдеп тұрғанымда сірке суын ішкізді.

Мол дастарқандары жауларыма тор болсын,Бейқам ішкен астары тұзаққа айналсын,

Көздері көре алмастай тұмандансын,Белдері ұдайы бейнеттен бүкшиіп қалсын,

Оларға төге гөр өз қаһарыңды,Һәм қуып жетсін ашуыңның жалыны,

Тұрған мекені қаңырап бос қалсын,Шатырларында тұратын ешкім болмасын!