Аьлла-кх Ахьа: „Сан цІе кху чохь хир ю“. Доьху Хьоьга, хьажадойла Ахьа Хьайн бІаьргаш хІокху цІенна тІе дийнахь а, буса а! ЛадугІийла Ахьа Хьан лай волчун доІане, иза, хІокху меттехьа а вирзина, Хьоьга кхойкхучу хенахь.
Сан дог Хьоьга кхойкхучу хенахь, дІахазахьа со, сан бакъволу Дела. Хала киртиг тІехІоьттича, Ахь гІо дора суна, хІинца а хилахьа соьца дика, сан доІанна жоп лохьа.
Ткъа со, Хьан хедар боцу безам бахьана долуш, Хьан цІа чу вер ву, гора а хІоьттина, Хьан дезачу цІа чохь Хьох кхоьруш лаьттар ву.
Делан цІийне куьйгаш а кховдадай, Везачу Элана хастамаш бейша.
Ас олу Везачу Эле: «Хьо сан Дела ву! Веза Эла, дІахазахьа сан доІанаш!»