Книга Второе послание Петра Cтих 3

О Христе бо Иисусе ни обрезание что может, ни необрезание, но вера любовию поспешествуема. Плод же духовный есть любы, радость, мир, долготерпение, благость, милосердие, вера, моляще и утешающе вас, и свидетельствующе вам ходити достойно Богу, призвавшему вы во свое царство и славу. Еже бе исперва, еже слышахом, еже видехом очима нашима, еже узрехом, и руки нашя осязаша, о словеси животнем: и живот явися, и видехом, и свидетельствуем, и возвещаем вам живот вечныи, иже бе у Отца и явися нам: Возлюбленнии, всяко тщание творя писати вам о общем спасении вашем, нужду возимех писати вам, моля подвизатися о преданнеи вере святым единою.

имиже честная нам и великая обетования даровашася, да сих ради будете божественнаго причастницы естества, отбегше, яже в мире, похотныя тли:

и в самое же сие, тщание все привнесше, подадите в вере вашей добродетель, в добродетели же разум,

в разуме же воздержание, в воздержании же терпение, в терпении же благочестие,

во благочестии же братолюбие, в братолюбии же любовь.

Сия бо сущая в вас и множащаяся, не праздных ниже безплодных сотворят вы в Господа нашего Иисуса Христа познание:

емуже бо несть сих, слеп есть, мжай, забвение прием очищения древних своих грехов.

Темже паче, братие, потщитеся известно ваше звание и избрание творити: сия бо творяще, не имате согрешити никогдаже,

сице бо обилно приподастся вам вход в вечное царство Господа нашего и Спаса Иисуса Христа.

Сего ради не обленюся воспоминати присно вам о сих, аще и ведите, и утверждени есте в настоящей истине.

Праведно бо мню, донележе есмь в сем телеси, возставляти вас воспоминанием,

ведый, яко скоро есть отложение телесе моего, якоже и Господь наш Иисус Христос сказа мне.

Потщуся же и всегда имети вас по моем исходе память о сих творити.