Книга Св. Евангелие от Матфея Cтих 13

бдите и молитеся, да не внидете в напасть: дух убо бодр, плоть же немощна. Быв же на месте, рече им: молитеся, да не внидете в напасть. и ктому несмь в мире, и сии в мире суть, и аз к тебе гряду. оче стыи, соблюди их во имя твое, ихже дал еси мне, да будут едино, якоже и мы. не молю, да возьмеши их от мира, но да соблюдеши их от неприязни. Верен же есть Господь, иже утвердит вас и сохранит от лукаваго. И избавит мя Господь от всякаго дела лукава и спасет во царствие свое небесное: емуже слава во веки веков. Аминь. Никтоже искушаемь да глаголет, яко от Бога искушаемь есмь: Бог бо несть искуситель злым, не искушает же той никогоже,

Аще бо отпущаете человеком согрешения их, отпустит и вам Отец ваш небесный:

аще ли не отпущаете человеком согрешения их, ни Отец ваш отпустит вам согрешений ваших.

Егда же поститеся, не будите якоже лицемери сетующе: помрачают бо лица своя, яко да явятся человеком постящеся. Аминь глаголю вам, яко восприемлют мзду свою.

Ты же постяся помажи главу твою, и лице твое умый,

яко да не явишися человеком постяся, но Отцу твоему, иже в тайне: и Отец твой, видяй в тайне, воздаст тебе яве.

Не скрывайте себе сокровищ на земли, идеже червь и тля тлит, и идеже татие подкопывают и крадут:

скрывайте же себе сокровище на небеси, идеже ни червь, ни тля тлит, и идеже татие не подкопывают, ни крадут:

идеже бо есть сокровище ваше, ту будет и сердце ваше.

Светилник телу есть око. Аще убо будет око твое просто, все тело твое светло будет:

аще ли око твое лукаво будет, все тело твое темно будет. Аще убо свет, иже в тебе, тма есть, то тма кольми?

Никтоже может двема господинома работати: любо единаго возлюбит, а другаго возненавидит: или единаго держится, о друзем же нерадити начнет. Не можете Богу работати и мамоне.

Сего ради глаголю вам: не пецытеся душею вашею, что ясте, или что пиете: ни телом вашим, во что облечетеся. Не душа ли болши есть пищи, и тело одежди?